11-ஆம் வகுப்பு பொதுத் தேர்வுகள்: நீலகிரியில் 144 பேர் எழுதவில்லை

நீலகிரி மாவட்டத்தில் திங்கள்கிழமை நடைபெற்ற 11-ஆம் வகுப்பு பொதுத் தேர்வுகளை 144 பேர் எழுதவில்லை. மாவட்டத்தில்  37 தேர்வு மையங்களில் தேர்வு எழுதத் தகுதியான 3,743 பேரில் 3,629 பேர் மட்டும் தேர்வு எழுதியுள்ளனர்.
மாவட்டத்தில் உயிரியல் தேர்வு எழுத வேண்டிய 1,627 பேரில் 1,586 பேர் மட்டுமே தேர்வு எழுதியுள்ளனர். 41 பேர் தேர்வு எழுதவில்லை.  தாவரவியல் தேர்வில் தேர்வு எழுத வேண்டிய 1,332 பேரில் 1,286 பேர் மட்டுமே தேர்வு எழுதியுள்ளனர். 46 பேர் தேர்வு எழுதவில்லை.  வரலாறு தேர்வு எழுத வேண்டிய 549 பேரில் 527 பேர் மட்டுமே தேர்வு எழுதியுள்ளனர். 22 பேர் எழுதவில்லை.  வணிக கணிதம் தேர்வில் தேர்வு எழுத வேண்டிய 176 பேரில் 173 பேர் தேர்வு எழுதியுள்ளனர். 3 பேர் எழுதவில்லை.  மின் இயந்திரங்களும், சாதனங்களும் தேர்வில்  35 பேரில் 33 பேர் தேர்வு எழுதியுள்ளனர். 2 பேர் எழுதவில்லை. பொது இயந்திரவியல் தேர்வில் மட்டும்  தேர்வு எழுத வேண்டிய 24 பேரும் தேர்வு எழுதியுள்ளனர்.
தனித் தேர்வர்களைப் பொறுத்தவரை வரலாறு பாடத் தேர்வு எழுத வேண்டிய 74 பேரில் 71 பேர் தேர்வு எழுதியுள்ளனர்.  3 பேர் தேர்வு எழுதவில்லை. மாற்றுத் திறனாளி மாணவர்களைப் பொறுத்த வரையில் அரசு தேர்வுத் துறையால் வழங்கப்படும் கூடுதல் சலுகைகளைப் பெற்று 22 பேர் தேர்வெழுதியுள்ளனர்.