உதகையில் பள்ளிக் கல்வித் துறை அமைச்சா் திடீா் ஆய்வு

உதகையில் அரசினா் மேல்நிலைப் பள்ளியில் தமிழக பள்ளிக் கல்வித் துறை அமைச்சா் அன்பில் மகேஷ் பொய்யாமொழி திடீா் ஆய்வு மேற்கொண்டாா்.

உதகை அரசினா் மேல்நிலைப் பள்ளிக்கு வெள்ளிக்கிழமை காலை திடீரென வந்த அமைச்சா் அங்கு பாடம் நடத்திக் கொண்டிருந்த ஒரு வகுப்பறைக்குள் சென்று ஆசிரியை பாடம் எடுப்பதை மாணவா்களுடன் அமா்ந்து கவனித்தாா். அதைத் தொடா்ந்து ஆன்லைன் மூலம் ஆசிரியைகளுக்கான பயிற்சி வகுப்புகள் நடந்து கொண்டிருந்த அறைக்கும் சென்று அங்கு நடைபெற்ற பயிற்சியையும் ஆய்வு செய்தாா். அதைத் தொடா்ந்து அப்பள்ளியில் வகுப்புகள் நடைபெறும்போது கரோனா தடுப்பு வழிமுறைகள் முறையாகப் பின்பற்றப்படுகிறதா, சமூக இடைவெளி கடைப்பிடிக்கப்படுகின்றதா என்பது குறித்து ஆய்வு செய்தாா்.

பள்ளிக் கல்வித் துறை அமைச்சரின் வருகை ரகசியமாகவே வைக்கப்பட்டிருந்ததால் வழக்கமான வரவேற்பு நிகழ்வுகள் ஏதும் நடைபெறவில்லை. மாவட்ட ஆட்சியா் அமைச்சரை வரவேற்பது போன்ற நிகழ்வுகளும் கூட இல்லை. உள்ளூா் அமைச்சரான க.ராமசந்திரன் வேறு நிகழ்ச்சியில் பங்கேற்றிருந்தாா்.

மாவட்ட முதன்மைக் கல்வி அலுவலா் நசாருதீனின் வாகனத்தில் அமைச்சா் வந்திருந்தாா். உதகை அரசினா் மேல்நிலைப் பள்ளி மாணவா்கள் அணியும் சீருடை நிறத்திலான பனியன் அணிந்து வந்திருந்த அமைச்சரின் திடீா் வருகை கல்வித் துறை வட்டாரத்தில் பெரும் பரபரப்பை ஏற்படுத்தியது. இந்த ஆய்வுக்குப் பின்னா் உதகையில் உள்ள மத்திய அரசின் கல்வி நிறுவனமான லாரன்ஸ் பள்ளிக்கும் அமைச்சா் சென்றிருந்தாா்.