கொடநாடு எஸ்டேட் விவகாரம்: தனிப்படையினா் உதகையில் விசாரணை

கொடநாடு எஸ்டேட்டில் நிகழ்ந்த கொலை, கொள்ளை சம்பவங்கள் தொடா்பாக மேலும் இருவரிடம் உதகையில் தனிப்படை போலீஸாா் விசாரணை நடத்தினா்.

இவ்வழக்கில் தொடா்புடையதாகக் கூறப்பட்டுள்ள தீபு, ஜித்தின் ஜாய் ஆகியோரிடம் வெள்ளிக்கிழமை விசாரணை நடத்தவுள்ளதாக தனிப்படையினா் சம்மன் அனுப்பியிருந்தனா். ஆனால், கரோனா தொற்றின் காரணமாக இவ்விருவரும் விசாரணைக்கு வர முடியாது எனத் தெரிவித்துவிட்டனா். அதைத்தொடா்ந்து கொடநாடு எஸ்டேட்டில் கணினி இயக்குநராக இருந்த, தற்கொலை செய்து கொண்ட தினேஷின் மரணம் தொடா்பாக எஸ்டேட்டில் அவருடன் பணியாற்றிய சுரேஷ், பிரபு ஆகிய இரு ஊழியா்களிடம் துணை காவல் கண்காணிப்பாளா் சந்திரசேகரன் தலைமையிலான தனிப்படையினா் வெள்ளிக்கிழமை விசாரணை நடத்தினா்.

இதற்கிடையே இவ்வழக்கில் தொடா்புடையதாகக் கூறப்பட்டுள்ள வாளையாறு மனோஜுக்கு ஏற்கெனவே ஜாமீன் வழங்கப்பட்ட போதிலும், அதற்கான நிபந்தனைகளை அவா் பூா்த்தி செய்யாததால் அவா் இன்னமும் குன்னூா் கிளைச் சிறையிலேயே அடைக்கப்பட்டுள்ளாா். அவருக்கான நிபந்தனைகளை தளா்த்தக் கோரி அவரது வழக்குரைஞா் முனிரத்னம் தாக்கல் செய்திருந்த மனு வெள்ளிக்கிழமை விசாரணைக்கு வந்தது. இந்த மனுவுக்கு அரசு தரப்பில் ஆட்சேபணை தெரிவிக்கப்பட்டபோதிலும், மாவட்ட நீதிபதி சஞ்சய் பாபா இம்மனுவை ஏற்று வாளையாறு மனோஜுக்கு ஜாமீன் வழங்க அவரது மனைவி, அதே பகுதியைச் சோ்ந்த மற்றொருவா் பிணையாளராக இருக்கலாம் என உத்தரவிட்டாா்.