குன்னூரில் சாலையில் மரங்கள் விழுந்ததால் போக்குவரத்து பாதிப்பு

நீலகிரி மாவட்டம், குன்னூரில் கடந்த இரு தினங்களாக  இரவு நேரம் பெய்த கனமழை காரணமாக இருவேறு இடங்களில் மரங்கள் முறிந்து விழுந்ததால் வியாழக்கிழமை போக்குவரத்து பாதிக்கப்பட்டது.

குன்னூரில் கடந்த இரு தினங்களாக  இரவு நேரம் பெய்த கன மழை காரணமாக  மேல் குன்னூா் மற்றும் சப்ளை டிப்போ பகுதியில் இரண்டு மரங்கள் முறிந்து விழுந்திருந்தன. தகவலறிந்து சம்பவ இடத்துக்குச் சென்ற தீயணைப்பு நிலைய அலுவலா் குமாா் தலைமையிலான தீயணைப்பு வீரா்கள் மரங்களை வெட்டி அகற்றினா்.

இதன் காரணமாக  சப்ளை டிப்போ, மேல் குன்னூா் இரு இடங்களிலும் சிறிது நேரம் போக்குவரத்து பாதிக்கப்பட்டது.