உடுமலை அருகே சாலை சீரமைப்பு  பணி மீண்டும் தொடங்கியது

உடுமலை அருகே பாதுகாக்கப்பட்ட வனப் பகுதியில் பாதியில் கைவிடப்பட்டிருந்த சாலை சீரமைப்புப் பணி புதன்கிழமை மீண்டும் தொடங்கப்பட்டது.
உடுமலை ஒன்றியம், அமராவதியில் உள்ள முதலைப் பண்ணையில் இருந்து கரட்டுப்பதி செட்டில்மெண்ட்  வரையிலான  சுமார் 2 கிலோ மீட்டர் சாலை வனப் பகுதியில் அமைந்துள்ளது.  
இந்த சாலை சேமதடைந்து காணப்பட்ட நிலையில் சில மாதங்களுக்கு முன் சாலையைச் செப்பனிடும் பணி தொடங்கப்பட்டது.  ஆனால், பாதுகாக்கப்பட்ட வனப் பகுதியில் உள்ள இந்தச் சாலையைச் சீரமைக்க முறைப்படி வனத் துறையிடம் அனுமதி பெறவில்லை எனக் கூறி, சாலையைச் சீரமைக்க வனத் துறை அதிகாரிகள் தடைவித்திருந்தனர்.
இந்தச் சாலையைச் சீரமைக்க வேண்டும் என வலியுறுத்தி பாஜகவினர் பல்வேறு போராட்டங்களில் ஈடுபட்டு வந்தனர்.  இந்நிலையில்,  வனத் துறையினர் அனுமதி அளித்துள்ளதை அடுத்து சாலை சீரமைப்புப் பணிகள் மீண்டும் தொடங்கப்பட்டுள்ளது. இதனால், அந்தப் பகுதி மக்கள் மகிழ்ச்சி தெரிவித்துள்ளனர்.