வெள்ளக்கோவிலில் ரூ.9.75 லட்சத்துக்கு  தேங்காய் பருப்பு விற்பனை

வெள்ளக்கோவில் ஒழுங்குமுறை விற்பனைக் கூடத்தில் ரூ.9.75 லட்சத்துக்கு தேங்காய் பருப்பு ஏலம் புதன்கிழமை நடைபெற்றது. 
 இந்த வார ஏலத்துக்கு  221 மூட்டைகளில் 11,097 கிலோ  தேங்காய் பருப்பு வரத்து இருந்தது.  திருச்சி, திண்டுக்கல், கரூர் மாவட்டங்களைச் சேர்ந்த 35 விவசாயிகள் தேங்காய் பருப்புகளைக் கொண்டு வந்திருந்தனர். 
 காங்கயம், முத்தூர், ஈரோட்டிலிருந்து 10 வணிகர்கள் வந்திருந்தனர். தேங்காய் பருப்பு கிலோ ரூ.58.55 முதல் ரூ.104.35 வரை விற்பனையானது. 
 விற்பனைக் கூட கண்காணிப்பாளர் ரா.மாரியப்பன் முன்னிலையில் விற்பனைத் தொகை ரூ. 9.75 லட்சம் விவசாயிகளுக்குப் பட்டுவாடா செய்யப்பட்டது.