ரூ. 3 கோடி மோசடி: தனியாா் வங்கி முன்னாள் மேலாளா் குண்டா் சட்டத்தில் கைது

திருப்பூரில் போலி வாகன ஏஜென்சி நிறுவனம் நடத்தி ரூ.3 கோடி மோசடி செய்த தனியாா் வங்கியின் முன்னாள் மேலாளா் குண்டா் சட்டத்தின்கீழ் சனிக்கிழமை கைது செய்யப்பட்டாா்.

திருப்பூா், காந்தி நகா் ஈ.பி. காலனியை சோ்ந்த கே.சூா்யபிரகாஷ் கடந்த சில மாதங்களுக்கு முன் மத்திய குற்றப் பிரிவில் புகாா் அளித்துள்ளாா்.

திருப்பூா், ராயபுரம் எஸ்.பி.ஐ. காலனி 2ஆவது வீதியைச் சோ்ந்த ஆா்.கோகுலகிருஷ்ணன் (33) திருப்பூரில் உள்ள தனியாா் வங்கியில் மேலாளராகப் பணிபுரிந்துள்ளாா். தற்போது ஹரிணி அசோசியேட்ஸ் என்ற பெயரில், வங்கிகளில் கடன்களை செலுத்தாமல் பறிமுதல் செய்யப்பட்ட வாகனங்களை ஏலத்தில் எடுத்து விற்பனை செய்துவருவதாகத் தெரிவித்தாா்.

தொழிலை விரிவுபடுத்த ரூ.25 லட்சம் தேவை என்றும், அதில் வரும் லாபத்தை இருவரும் பங்கிட்டுக் கொள்ளலாம் என்றும் ஒப்பந்தம் செய்தாா். இதையடுத்து, மின்னணுப் பரிவா்த்தனை மூலமாக ரூ.25.94 லட்சம் பெற்று கோகுலகிருஷ்ணன் என்னை ஏமாற்றி விட்டாா். இது குறித்து உரிய விசாரணை நடத்தி எனது பணத்தை மீட்டுத்தர வேண்டும் என்று புகாரில் தெரிவிக்கப்பட்டிருந்தது.

இது குறித்து திருப்பூா் மத்திய குற்றப் பிரிவு போலீஸாா் வழக்குப் பதிவு செய்து கோகுலகிருஷ்ணனை கடந்த ஆண்டு டிசம்பா் 14 ஆம் தேதி கைது செய்து சிறையில் அடைத்தனா். இந்த நிலையில், பிணையில் வெளியில் வந்த அவா் தலைமறைவாகிவிட்டாா்.

இதனிடையே, திருப்பூா் மங்கலம் சாலையைச் சோ்ந்த எம்.கிருஷ்ணகாந்த் சா்மா என்பவரிடம் ரூ.94.84 லட்சம் உள்பட 8 பேரிடம் ரூ.3 கோடி வரையில் கோகுலகிருஷ்ணன் மோசடியில் ஈடுபட்டது தெரியவந்தது.

இதைத் தொடா்ந்து, கோகுலகிருஷ்ணன் கடந்த மாா்ச் 15 ஆம் தேதி கைது செய்யப்பட்டு சிறையில் அடைக்கப்பட்டாா்.

இந்த நிலையில், போலியாக வாகன ஏஜென்சி நிறுவனம் நடத்தி மோசடி செய்யும் குற்ற செயல்களில் தொடா்ந்து ஈடுபட்டு வந்ததால் கோகுலகிருஷ்ணனை குண்டா் சட்டத்தின் கீழ் கைது செய்ய மாநகரக் காவல் ஆணையா் ஜி.காா்த்திகேயன் உத்தரவிட்டாா். இந்த உத்தரவின் நகலை கோவையில் சிறையில் அடைக்கப்பட்டுள்ள கோகுலகிருஷ்ணனிடம் மத்திய குற்றப் பிரிவு காவல் துறையினா் நேரில் வழங்கினா்.

திருப்பூா் மாநகரில் நிகழாண்டு தற்போது வரையில் 13 போ் குண்டா் தடுப்புச் சட்டத்தின்கீழ் சிறையில் அடைக்கப்பட்டுள்ளது குறிப்பிடத்தக்கது.