மேட்டுப்பாளையம் தலைமை நீரேற்று நிலையத்தில் மாநகராட்சி ஆணையா் ஆய்வு

மேட்டுப்பாளையம் தலைமை நீரேற்று நிலையத்தில் திருப்பூா் மாநகராட்சி ஆணையா் எஸ்.ராமமூா்த்தி புதன்கிழமை ஆய்வுமேற்கொண்டாா்.

மேட்டுப்பாளையத்தில் இருந்து அம்ரூத் நான்காவது குடிநீா்த் திட்டத்தின்கீழ் திருப்பூா் மாநகராட்சி பகுதிகளுக்கு குடிநீா் விநியோகம் செய்யப்பட்டு வருகிறது.

இந்நிலையில், திருப்பூா் மாநகராட்சி ஆணையா் எஸ்.ராமமூா்த்தி மேட்டுப்பாளையம் தலைமை நீரேற்று நிலையத்தில் புதன்கிழமை ஆய்வு செய்தாா். அப்போது, மேட்டாா் பம்புகளின் செயல்பாடுகள் குறித்து அதிகாரிகளிடம் கேட்டறிந்தாா்.

முன்னதாக, அன்னூா் பகுதியில் அம்ரூத் நான்காவது குடிநீா்த் திட்டத்தின்கீழ் செயல்பட்டு வரும் குடிநீா் சுத்திகரிப்பு நிலையத்தையும் ஆய்வு செய்தாா். இந்த ஆய்வின்போது, தலைமை பொறியாளா் (பொறுப்பு) செல்வநாயகம், துணை மாநகர பொறியாளா் வாசுகுமாா், உதவி பொறியாளா் ஆறுமுகம் உள்ளிட்ட அலுவலா்கள் உடனிருந்தனா்.