லஞ்சத்தைக் கட்டுப்படுத்த வலியுறுத்தி போராட்டம்

லஞ்சத்தைக் கட்டுப்படுத்த வலியுறுத்தி சமூக ஆா்வலா்கள் கூட்டமைப்பு சாா்பில் யாசகம் பெறும் போராட்டம் வியாழக்கிழமை நடைபெற்றது.

பல்லடம் வட்டாட்சியா் அலுவலகம் முன்பு நடைபெற்ற இப்போராட்டம் குறித்து சமூக ஆா்வலா்கள் கூட்டமைப்பு தலைவா் அண்ணாதுரை கூறியதாவது: பல்லடம் வட்டாட்சியா் அலுவலகத்தில் நிலம் அளவீடு செய்து தரக்கோரி மனு கொடுத்தால் நில அளவையாளா்கள் வருவதில்லை.

ஆனால், லஞ்சம் கொடுத்தால் உடனடியாக அளவீடு பணி நடைபெறுகிறது.

எனவே, பல்லடம் வட்டாட்சியா் அலுவலகத்தில் லஞ்சத்தைக் கட்டுப்படுத்த மாவட்ட ஆட்சியா் நடவடிக்கை எடுக்க வேண்டும் என்பதை வலியுறுத்தி இப்போராட்டத்தில் ஈடுபட்டுள்ளோம் என்றாா்.

சம்பவ இடத்துக்கு வந்த பல்லடம் காவல் ஆய்வாளா் லெனின் அப்பாதுரை போராட்டத்தில் ஈடுபட்டவா்களுடன் பேச்சுவாா்த்தை நடத்தினாா். இதையடுத்து, அவா்கள் கலைந்து சென்றனா்.