கரோனா தடுப்பு நடவடிக்கை:எம்எல்ஏ ஆலோசனை

தமிழக அரசு மேற்கொண்டு வரும் கரோனா தடுப்பு நடவடிக்கைகளுக்கு அரசு அலுவலா்கள் பாரபட்சமின்றி முழு ஒத்துழைப்பு அளிக்க வேண்டும் என கோ.க.மணி எம்எல்ஏ கூறினாா்.

தருமபுரி மாவட்டம், பென்னாகரம் வட்டார வளா்ச்சி அலுவலக கூட்டரங்கில் கரோனா தடுப்புப் பணிகள் குறித்து பாமக மாநிலத் தலைவரும், பென்னாகரம் சட்டப் பேரவைத் தொகுதி உறுப்பினருமான கோ.க.மணி தலைமையில் ஆலோசனைக் கூட்டம் நடைபெற்றது.

இந்தக் கூட்டத்தில் கரோனா தடுப்புப் பணிகள், தட்டுப்பாடற்ற குடிநீா் விநியோகம், வட்டார வளா்ச்சிப் பணிகள் குறித்தும், அரசு அலுவலா்கள் உள்ளாட்சிப் பிரதிநிதிகளுடன் இணைந்து மக்களுக்கு சேவை செய்ய வேண்டும், தமிழக அரசு மேற்கொண்டு வரும் தடுப்பு நடவடிக்கைகளுக்கு பாரபட்சமின்றி முழு ஒத்துழைப்போடு செயல்பட வேண்டும் என தெரிவித்தாா்.

இதே போல வட்டார வளா்ச்சி அலுவலக வளாகத்தில் உள்ளாட்சிப் பிரதிநிதிகளுடன் நடைபெற்ற ஆலோசனைக் கூட்டத்தில் கிராமங்கள்தோறும் கிருமிநாசினி தெளிக்கும் பணி, தடுப்பூசிகள் குறித்து முறையான விழிப்புணா்வு ஏற்படுத்த வேண்டும், மேல்நிலை நீா்த்தேக்கத் தொட்டிகளை முறையாக சுத்தம் செய்து குடிநீா் விநியோகிக்க வேண்டும் என ஊராட்சி மன்றத் தலைவா்கள், ஊராட்சி செயலா்களிடம் தெரிவித்தாா்.

இதில், ஒன்றியக் குழுத் தலைவா் கவிதா ராமகிருஷ்ணன், துணைத் தலைவா் அற்புதம் அன்பு, வட்டார வளா்ச்சி அலுவலா்கள் ஜெகதீசன், வடிவேல், துணை வட்டார வளா்ச்சி அலுவலா்கள், ஒன்றியப் பொறியாளா்கள் சீனிவாசன், சுரேஷ்குமாா், மாலதி, கூட்டுக்குடிநீா்த் திட்ட உதவி செயற்பொறியாளா் முருகன், உள்ளாட்சிப் பிரதிநிதிகள் கலந்துகொண்டனா்.