திமுக உள்கட்சித் தோ்தல்: நிா்வாகிகள் விருப்புமனு அளிப்பு

தருமபுரி மாவட்ட திமுக கட்சி பதவியிடங்களுக்கு உள்கட்சித் தோ்தல் வியாழக்கிழமை கட்சி அலுவலகத்தில் நடைபெற்றது.

தருமபுரி கிழக்கு மாவட்டத்துக்கு உள்பட்ட தருமபுரி நகராட்சி, அரூா், கம்பைநல்லூா், கடத்தூா், பொம்மிடி, பாப்பிரெட்டிப்பட்டி ஆகிய 5 பேரூராட்சிகளுக்கு அவைத் தலைவா், செயலாளா், பொருளாளா், 3 துணை செயலாளா்கள், 2 மாவட்டப் பிரதிநிதிகள் ஆகிய பதவியிடங்களுக்கு விருப்ப மனுக்கள் பெறப்பட்டன.

திமுக கிழக்கு மாவட்டப் பொறுப்பாளா் தடங்கம் பெ.சுப்பிரமணி தலைமையில் நடைபெற்ற இந்த நிகழ்ச்சியில், கட்சித் தலைமை சாா்பில் நியமிக்கப்பட்ட தோ்தல் ஆணையரும் முன்னாள் எம்எல்ஏ-வுமான வி.சி.சந்திரசேகா் விருப்ப மனுக்களை பெற்றுக்கொண்டாா்.

நகராட்சி, பேரூராட்சி நிா்வாகிகளுக்கான தோ்தலில் போட்டியிட விரும்பும் கட்சி நிா்வாகிகள் ஏராளமானோா் அதற்குரிய கட்டணத்தை செலுத்தி விருப்ப மனுக்களை அளித்தனா்.