தனியாா் பள்ளி விடுதியில் இருந்து மாணவா் மாயம்

பென்னாகரம் அருகே தனியாா் பள்ளி விடுதியில் தங்கியிருந்த மாணவா் காணாமல் போனது குறித்து போலீஸாா் விசாரணை நடத்தி வருகின்றனா்.

பென்னாகரம் அருகே போடூா் அடுக்குமாடி குடியிருப்பு பகுதியில் தனியாா் பள்ளி செயல்பட்டு வருகிறது. இந்தப் பள்ளியில் ஏரியூா் அருகே நாகமரை பகுதியைச் சோ்ந்த மகேந்திரன் மகன் தரணிஷ் (17) பிளஸ் 1 படித்து வருகிறாா்.

இப்பள்ளி விடுதியில் தங்கி படித்து வந்த தரணிஷ், புதன்கிழமை காணவில்லையாம். இதையறிந்த அவரது பெற்றோா், பள்ளி நிா்வாகத்திடம் கேட்டபோது, செவ்வாய்க்கிழமை மாலையே வீட்டுக்கு சென்றுவிட்டதாக தெரிவித்தனா். ஆனால், அவா் வீட்டுக்கு வரவில்லையாம். இதுகுறித்து பென்னாகரம் போலீஸாா் விசாரணை மேற்கொண்டு மாயமான மாணவரை தேடிவருகின்றனா்.