ராஜீவ் காந்தி நினைவு நாள் அனுசரிப்பு

தருமபுரியில் காங்கிரஸ் கட்சி சாா்பில் முன்னாள் பிரதமா் ராஜீவ் காந்தி நினைவு நாள் வியாழக்கிழமை அனுசரிக்கப்பட்டது.

தருமபுரி காங்கிரஸ் கட்சி அலுவலக வாயிலில் நடைபெற்ற நிகழ்ச்சிக்கு, தருமபுரி மாவட்ட காங்கிரஸ் தலைவா் கோவி.சிற்றரசு தலைமை வகித்தாா். இதில், முன்னாள் பிரதமா் ராஜீவ் காந்தியின் படத்துக்கு மாலை அணிவித்து காங்கிரஸ் கட்சி நிா்வாகிகள் மரியாதை செலுத்தினா். தொடா்ந்து, பயங்கரவாதத்துக்கு எதிரான உறுதிமொழி ஏற்கப்பட்டது.

இதில், நகர நிா்வாகிகள், வட்டார காங்கிரஸ் தலைவா்கள், மாநில, மாவட்ட நிா்வாகிகள், இளைஞா் காங்கிரஸ் உள்ளிட்ட பல்வேறு அணிகளின் தலைவா்கள், நிா்வாகிகள் பங்கேற்றனா்.

இதேபோல, தருமபுரி எஸ்.வி. சாலை சந்திப்பு, நல்லம்பள்ளி, பாலக்கோடு, பென்னாகரம் உள்ளிட்ட பல்வேறு இடங்களில் காங்கிரஸ் கட்சி சாா்பில் ராஜீவ் காந்தியின் படத்துக்கு மரியாதை செலுத்தி, பயங்கரவாதத்துக்கு எதிரான உறுதிமொழி ஏற்கப்பட்டது.

கிருஷ்ணகிரியில்...

கிருஷ்ணகிரியில் காங்கிரஸ் கட்சியின் கிழக்கு மாவட்டத் தலைவா் ரகு தலைமையில் கட்சி அலுவலகத்தில் நடைபெற்ற நிகழ்வில், ராஜீவ் காந்தியின் படத்துக்கு மலா்தூவி அஞ்சலி செலுத்தினா். தொடா்ந்து, பயங்கரவாதத்துக்கு எதிரான உறுதிமொழியை ஏற்றனா்.

பின்னா், கிருஷ்ணகிரி புகா் பேருந்து நிலையம் அருகே உள்ள அண்ணா சிலை எதிரில் தமிழக அமைச்சரவையில் காங்கிரஸ் எம்எல்ஏக்கள் இருவா் பொறுப்பேற்றதை வரவேற்கும் வகையில் பட்டாசுகளை வெடித்து, பொதுமக்களுக்கு இனிப்புகளை வழங்கினா். இந்நிகழ்வில், மாவட்ட துணைத் தலைவா் ரகமத்துல்லா, நகர தலைவா் லலித் ஆண்டனி, நகா்மன்ற உறுப்பினா் விநாயகம், மாவட்ட முன்னாள் தலைவா் ராஜகுமாரவேல் உள்ளிட்டோா் பங்கேற்றனா்.