கிருஷ்ணகிரியில் ஆசிரியர் தின விழா

கிருஷ்ணகிரியில் ஆசிரியர் தின விழா உற்சாகமாக புதன்கிழமை கொண்டாடப்பட்டது.
கிருஷ்ணகிரி அரசு மகளிர் கலைக் கல்லூரியில் நடைபெற்ற விழாவுக்கு கல்லூரியின் முதல்வர் ஜெயந்தி தலைமை வகித்தார். தமிழ்த் துறை தலைவர் கீதா, பேரவைத் தலைவர் திவ்யா உள்ளிட்டோர் பங்கேற்றனர். மாணவிகள், பேராசிரியர்கள் கேக் வெட்டி, ஆசிரியர் தினத்தை கொண்டாடினர். மாணவிகளின் கலை நிகழ்ச்சிகளும் நடைபெற்றன. 
கிருஷ்ணகிரி அரசு மகளிர் மேல்நிலைப் பள்ளி வளாகத்தில் நடைபெற்ற விழாவுக்கு பள்ளியின் தலைமையாசிரியர் மகேந்திரன் தலைமை வகித்தார். பெற்றோர்- ஆசிரியர் கழகத் தலைவர் வெங்கடாசலம் உள்ளிட்டோர் பங்கேற்றனர். ஆசிரியர்களுக்கு நினைவு பரிசுகள் வழங்கப்பட்டன.