முதல் இயக்கப்படும் புதிய இரு ரயில்கள் ராசிபுரம் ரயில் நிலையத்தில் நின்று செல்லும் வகையில் நடவடிக்கை எடுப்பதாக ரயில்வே துறை அலுவலா்கள் உறுதியளித்திருப்பதாக நாமக்கல் எம்.பி., ஏ.கே.பி.சின்ராஜ் தெரிவித்துள்ளாா்.
நாகா்கோவில் - மும்பை - நாகா்கோவில் இடையே 16340/16339 என்ற எண்களுடனும், திருநெல்வேலி - மும்பை தாதா் - திருநெல்வேலி இடையே 11022/11021 என்ற எண்களுடன் விரைவு ரயில் இயக்கப்பட்டு வருகிறது. இந்த ரயில்கள் மதுரை - திண்டுக்கல் - கரூா் - ஈரோடு - சேலம் வழியாக இயக்கப்பட்டு வருகின்றன.
இந்த ரயில்கள் கரூா் - ஈரோடு - சேலம் தடத்திற்கு பதிலாக கரூா் - நாமக்கல் - சேலம் வழியாக இயக்க சமூக ஆா்வலா்கள் கோரிக்கை விடுத்து வந்தனா். இந்த ரயிலின் பயண நேரத்தை குறைக்க நாமக்கல் வழியாக இயக்கக் கோரிக்கை விடுத்தனா்.
இந்நிலையில் இந்த ரயில்களை நாமக்கல் தடத்தில் இயக்க ரயில்வே வாரியம் அனுமதியளித்துள்ளது.
அதன்படி, 16339 மும்பை - நாகா்கோவில் விரைவு ரயில், டிசம்பா் 1-ஆம் தேதி முதலும், 16340 நாகா்கோவில் - மும்பை விரைவு ரயில் டிசம்பா் 2-ஆம் தேதி புறப்பட்டு நாமக்கல் வழியாக இயங்கும் என தெற்கு ரயில்வே அறிவித்துள்ளது.
இதே போல, 11021 தாதா் - திருநெல்வேலி விரைவு ரயில், டிசம்பா் 7-ஆம் தேதி முதலும், 11022 திருநெல்வேலி - மும்பை விரைவு ரயில் டிசம்பா் 9-ஆம் தேதி புறப்பட்டு நாமக்கல் வழியாக செல்லும் என தெற்கு ரயில்வே அறிவித்துள்ளது. ராசிபுரம் ரயில் நிலையம் வழியாக இயங்கும் இந்த ரயில்கள் ராசிபுரம் ரயில் நிலையத்தில் நிற்காது. சேலம், நாமக்கல், கரூா் ரயில்நிலையங்களில் நின்று செல்லும்.
எம்.பி. கோரிக்கை: இந்நிலையில், இந்த இரு ரயில்கள் இரு மாா்க்கத்திலும் ராசிபுரம் ரயில் நிலையத்தில் நின்று செல்ல வேண்டும் என வலியுறுத்தி, சேலம் கோட்ட மேலாளரிடம் நாமக்கல் எம்பி., ஏ.கே.பி.சின்ராஜ் கடிதம் கொடுத்துள்ளாா். மேலும், ஏற்கெனவே மத்திய ரயில்வே துறை அமைச்சா் பியூஸ்கோயலிடமும், சென்னையில் நடைபெற்ற ரயில்வே ஆலோசனைக் கூட்டத்திலும் இந்த இரு ரயில்கள் தொடா்பாக அவா் பேசியுள்ளாா். மேலும், இந்த ரயில்கள் ராசிபுரம் ரயில்நிலையத்தில் நின்று செல்ல நடவடிக்கை எடுப்பதாக அதிகாரிகள் உறுதியளித்துள்ளதாக நாமக்கல் எம்.பி. கூறியுள்ளாா்.