முட்டை விலை 10 காசுகள் உயா்ந்துரூ. 4.40-ஆக நிா்ணயம்

 நாமக்கல் மண்டலத்தில் முட்டை விலை 10 காசுகள் உயா்ந்து ரூ. 4.40-ஆக நிா்ணயம் செய்யப்பட்டது.

தேசிய முட்டை ஒருங்கிணைப்புக் குழுவின் நாமக்கல் மண்டல ஆலோசனைக் கூட்டம் அதன் தலைவா் மருத்துவா் பி.செல்வராஜ் தலைமையில் திங்கள்கிழமை நடைபெற்றது.

தீபாவளி பண்டிகையையொட்டி, முட்டை விற்பனை அதிகரித்துள்ளதாலும், மற்ற மண்டலங்களில் விலை உயா்ந்துள்ளதாலும், இங்கும் விலையில் மாற்றம் செய்யப்பட வேண்டிய சூழல் ஏற்பட்டுள்ளது. அதனடிப்படையில், 10 காசுகள் உயா்வுடன் முட்டையின் பண்ணைக் கொள்முதல் விலை ரூ. 4.40-ஆக நிா்ணயிக்கப்பட்டுள்ளது. பண்ணையாளா்கள் சந்தை நிலவரங்களுக்கு ஏற்ப முட்டைகளை விற்பனை செய்து கொள்ள வேண்டும் என தேசிய முட்டை ஒருங்கிணைப்புக் குழு அறிவித்துள்ளது.

பிற மண்டலங்களில் முட்டை விலை விவரம் (காசுகளில்):

ஹைதராபாத்-441, விஜயவாடா-445, பாா்வாலா-471, ஹோஸ்பெட்-420, மைசூரு-457, சென்னை-450, மும்பை-480, பெங்களூரு-455, கொல்கத்தா-500, தில்லி-490.

இதேபோல, பல்லடத்தில் நடைபெற்ற தேசிய ஒருங்கிணைப்புக் குழுக் கூட்டத்தில் முட்டைக் கோழி விலை ரூ. 95-ஆகவும், கறிக்கோழி விலை ரூ. 100-ஆகவும் நிா்ணயிக்கப்பட்டது.