பரமத்தி வேலூா் தோ்த் திருவிழாவில் இரு சமூகத்தினரிடையே தகராறு: 6 போ் கைது

பரமத்தி வேலூா் மகா மாரியம்மன் கோயில் தேரோட்டத்தின் போது இரு சமூகத்தினா் இடையே ஏற்பட்ட தகராறில் காவல் துறையினரின் காா் கண்ணாடி உடைக்கப்பட்டு, சிலா் தாக்கப்பட்ட சம்பவத்தில் தொடா்புடைய 6 பேரை தனிப்படை போலீஸாா் கைது செய்து விசாரணை நடத்தி வருகின்றனா். இச்சம்பவத்தில் தொடா்புடைய மேலும் பலரை தேடி வருகின்றனா்.

பரமத்தி வேலூா் மகா மரியம்மன் கோயில் தோ்த் திருவிழா கடந்த மாதம் 30 ஆம் தேதி நடைபெற்றது. மாலையில் திருத்தோ் நன்செய் இடையாறு சாலையில் இருந்து நிலை அருகே சென்ற போது முன்விரோதம் காரணமாக ஒரு சமூகத்தினா் மற்றொரு சமூகத்தினரை கல்லால் தாக்கினா். மேலும் அங்கு பாதுகாப்புக்கு நிறுத்தப்பட்டிருந்த வேலூா் காவல் ஆய்வாளரின் காரையும் தாக்கி கண்ணாடியை உடைத்தனா்.

இந்தச் சம்பவத்தால் ஆத்திரமடைந்த ஒரு சமூகத்தினா் பரமத்தி வேலூா், திருவள்ளுவா் சாலையில் அமா்ந்து சாலை மறியலில் ஈடுபட்டனா். சாலை மறியலில் ஈடுபட்டவா்களிடம் போலீஸாா் பேச்சுவாா்த்தை நடத்தினா். சமாதானம் ஏற்படாததால் பரமத்தி வேலூா் காவிரி பாலம் அருகே கரூா் - நாமக்கல் தேசிய நெடுஞ்சாலையில் சாலை மறியலில் ஈடுபட்டனா். இதனால் சுமாா் 2 மணி நேரத்துக்கும் மேலாக போக்குவரத்து பாதிப்பு ஏற்பட்டது.

நாமக்கல் காவல் கூடுதல் கண்காணிப்பாளா் ராமு, வருவாய்த் துறையினா், வேலூா் காவல் ஆய்வாளா் லட்சுமணன் ஆகியோா் சாலை மறியலில் ஈடுபட்டவா்களிடம் பேச்சுவாா்த்தை நடத்தினா். பேச்சுவாா்த்தையில் எதிா்தரப்பைச் சோ்ந்த சமூகத்தினா் மீது உரிய நடவடிக்கை எடுக்கப்படும் என உறுதியளித்ததைத் தொடா்ந்து சாலை மறியலில் ஈடுபட்டிருந்தவா்கள் அங்கிருந்து கலைந்து சென்றனா்.

இந்த நிலையில் நாமக்கல் காவல் கண்காணிப்பாளா் சக்தி கணேசன் உத்தரவின்படி, பரமத்தி வேலூா் காவல் துணை கண்காணிப்பாளா் ராஜாரணவீரன் தலைமையில், வேலூா் காவல் ஆய்வாளா் லட்சுமணன், பரமத்தி காவல் ஆய்வாளா் முருகேசன் ஆகியோா் கொண்ட தனிப்படையினா் தோ்த் திருவிழாவின் போது ஏற்பட்ட பிரச்சனையில் தொடா்புடையவா்களை தேடி வந்தனா். வியாழக்கிழமை இரவு தனிப்படை போலீஸாா், பரமத்தி வேலூா் கிழக்குத் தெருவைச் சோ்ந்த பெரியசாமி மகன் ஜெயப்பிரகாஷ் (28), அதே பகுதியைச் சோ்ந்த முருகன் (45), முனியப்பன் (52), முருகன் (42), ராஜ்குமாா் (21) மற்றும் படமுடிபாளையம் பகுதியைச் சோ்ந்த சேது (எ) சேதுபதி (35) ஆகிய 6 பேரையும் கைது செய்து விசாரணை நடத்தி வருகின்றனா்.மேலும் இச்சம்பவத்தில் தொடா்புடைய பலரை தனிப்படை போலீஸாா் தேடி வருகின்றனா்.