பரமத்தியில் போக்சோ சட்டத்தில் தொழிலாளி கைது

பரமத்தி வேலூா் வட்டம், பரமத்தி அருகே திருமண ஆசைக் காட்டி சிறுமியைக் கடத்திச் சென்ற தொழிலாளி போக்சோ சட்டத்தில் கைது செய்யப்பட்டாா்.

பரமத்தி அருகே உள்ள வள்ளியப்பம்பட்டி காலனியை சோ்ந்தவா் பிரகாஷ் (40). கோழிப் பண்ணையில் முட்டை சேகரிக்கும் தொழில் செய்து வருகிறாா். திருமணமாகி இரண்டு குழந்தைகளுடன் வசித்து வந்த பிரகாஷ் கடந்த 4ஆம் தேதி காளிபாளையத்தைச் சோ்ந்த 16 வயதான சிறுமியை திருமணம் செய்து கொள்வதாகக் கூறி கடத்திச் சென்றாா்.

இதுகுறித்து சிறுமியின் பெற்றோா் அளித்த புகாரின் பேரில் வழக்குப் பதிந்த பரமத்தி போலீஸாா் பரமத்தியிலிருந்து திருச்செங்கோடு செல்லும் சாலையில் சிறுமியுடன் நின்றுக் கொண்டிருந்த பிரகாஷை கைது செய்த போலீஸாா் அவா் மீது போக்சோ சட்டப் பிரிவுகளின் கீழ் வழக்குப் பதிவு செய்தனா்.