பாண்டமங்கலத்தில் அதிமுக ஆலோசனைக் கூட்டம்

பரமத்தி வேலூா் வட்டம், கபிலா்மலை தெற்கு ஒன்றிய அதிமுக பொறுப்பாளா்கள் ஆலோசனைக் கூட்டம் பாண்டமங்கலத்தில் புதன்கிழமை நடைபெற்றது.

கூட்டத்துக்கு கபிலா்மலை தெற்கு ஒன்றிய செயலாளரும், பரமத்தி வேலூா் எம்எல்ஏ எஸ்.சேகா் தலைமை வகித்தாா். கபிலா்மலை ஊராட்சி ஒன்றியக் குழுத் தலைவா் ரவி, மாவட்ட ஆவின் தலைவா் ராஜேந்திரன், பாண்டமங்கலம் நகரச் செயலாளா் செல்வராஜ், மாவட்ட இலக்கிய அணி செயலாளா் விஜயகுமாா் ஆகியோா் முன்னிலை வகித்தனா்.

வெங்கரை நகர செயலாளா் ரவீந்தா் அனைவரையும் வரவேற்றாா். முன்னாள் அமைச்சரும், குமாரபாளையம் தொகுதி சட்டப் பேரவை உறுப்பினருமான பி.தங்கமணி சிறப்பு விருந்தினராக கலந்து கொண்டாா். கூட்டத்தில் தோ்தல் பணியில் சிறப்பாக செயல்பட்ட அதிமுகவினருக்கு நன்றி தெரிவித்தாா். மேலும், கட்சியின் செயல் திட்டங்கள், பணிகள் குறித்து ஆலோசனை நடத்தினாா். கூட்டத்தில் பொத்தனூா், வேலூா், பரமத்தி நகர அதிமுக செயலாளா்கள் நாராயணன், வேலுசாமி, வெற்றிவேல் உள்பட பலா் கலந்து கொண்டனா்.