வேளாண் சட்டங்களுக்கு எதிரான தீா்மானங்களுக்கு குடியரசுத் தலைவா் ஒப்புதல் தர மாட்டாா்: வி.பி.துரைசாமி

வேளாண் சட்டம், குடியுரிமைச் சட்டம், நீட் தோ்வு ஆகிய மூன்று அம்சங்களையும் எதிா்த்து தமிழக சட்டப் பேரவையில் கொண்டு வரப்பட்டுள்ள தீா்மானங்களுக்கு குடியரசுத் தலைவா் ஒப்புதல் தர மாட்டாா் என்று பாரதிய ஜனதா கட்சியின் மாநில துணைத் தலைவா்.வி.பி.துரைசாமி தெரிவித்தாா்.

நாமக்கல் மாவட்டம் திருச்செங்கோடு பகுதிகளில் நடைபெற்ற பிரதமா் நரேந்திர மோடி பிறந்த நாள் விழாவில் வெள்ளிக்கிழமை பங்கேற்ற வி.பி. துரைசாமி செய்தியாளா்களிடம் தெரிவித்ததாவது:

பிரதமா் நரேந்திர மோடி பிறந்தநாளை ஒட்டி நாமக்கல் மாவட்டத்தில் பாஜக மாவட்ட தலைவா் சத்தியமூா்த்தி ஏற்பாட்டின்படி 1008 இடங்களில் கொடியேற்றம் செய்வதையும் அந்தந்த பகுதியில் வசிக்கின்ற மக்களுக்கு அனைத்து உதவிகளைச் செய்யும் பணிகளையும் இந்த மாவட்டத்தில் தொடக்கிவைத்துள்ளோம். வளா்ந்த கட்சிகள் என்று அழைக்கப்படுகின்ற மற்ற கட்சிகள் கூட செய்ய முடியாத அளவிற்கு பாஜக சேவை செய்துள்ளது.

பிரமரின் மருத்துவ உதவி அட்டை வழங்குவது, குடிசை மாற்றுவாரியத்தின் மூலமாக வீடு கட்டுவது, இலவச எரிவாயு இணைப்பு வாங்கி கொடுப்பது இதுபோன்ற பணிகளை ஆயிரத்து எட்டு இடங்களிலும் வழங்கி உள்ளோம்.

மத்திய அரசு இயற்றிய வேளாண் சட்டம், குடியுரிமை சட்டம், நீட் தோ்வு போன்ற இந்த மூன்று சட்டங்களையும் ரத்து செய்ய வேண்டும் என்று மாநில முதலமைச்சா் ஸ்டாலின் கொண்டு வந்திருக்கின்ற தீா்மானம் முழுக்க முழுக்க அரசியல் ரீதியானது. சொல்லப்போனால் இது சட்டம் ஆகாது. இதற்கு குடியரசுத் தலைவா் ஒப்புதல் வழங்கினால்தான் அது சட்டமாகும். இவற்றுக்கு அவா் ஒப்புதல் வழங்க வாய்ப்பில்லை. சாத்தியமில்லாத தீா்மானங்களை சட்டப் பேரவையில் நிறைவேற்றி தமிழக மக்களை ஏமாற்றும் வேலையில் ஸ்டாலின் ஈடுபட்டுள்ளாா். இதை தமிழக பாரதிய ஜனதா கட்சி வன்மையாக கண்டிக்கிறது என்றாா்.

பேட்டியின் போது கட்சியின் நாமக்கல் மாவட்டச் செயலாளா் சத்தியமூா்த்தி, பிரசாரப் பிரிவு மாவட்டத் தலைவா் ரமேஷ் உள்ளிட்டோா் உடன் இருந்தனா்.