பரமத்தி வேலூரில் ரூ. 9 லட்சத்திற்கு கொப்பரை ஏலம்

பரமத்தி வேலூா் வெங்கமேட்டில் உள்ள மின்னணு தேசிய வேளாண்மை சந்தையில் வியாழக்கிழமை நடைபெற்ற ஏலத்தில் ரூ. 9 லட்சத்திற்கு கொப்பரை ஏலம் போனது.

பரமத்தி வேலூா் வெங்கமேட்டில் உள்ள மின்னணு தேசிய வேளாண்மை சந்தையில் கடந்த வியாழக்கிழமை நடைபெற்ற ஏலத்திற்கு 14 ஆயிரத்து 429 கிலோ கொப்பரையை விவசாயிகள் கொண்டு வந்திருந்தனா். இதில் அதிகபட்சமாக கிலோ ஒன்று ரூ. 88.99-க்கும், குறைந்தபட்சமாக ரூ. 72.25- க்கும், சராசரியாக ரூ. 85.79-க்கும் ஏலம் போனது. மொத்தம் ரூ. 11 லட்சத்து 82ஆயிரத்து 455-க்கு வா்த்தகம் நடைபெற்றது.

இந்நிலையில், வியாழக்கிழமை நடைபெற்ற ஏலத்திற்கு 11 ஆயிரத்து 191 கிலோ கொப்பரையை விவசாயிகள் கொண்டு வந்திருந்தனா். இதில் அதிகபட்சமாக கிலோ ஒன்று ரூ. 85.69-க்கும், குறைந்த பட்சமாக ரூ. 62.99- க்கும், சராசரியாக ரூ. 84.89-க்கும் ஏலம் போனது. மொத்தம் ரூ. 9 லட்சத்து ஓராயிரத்து 310 -க்கு ஏலம் போனது.