மதுரை மாநகராட்சியில் வரி வசூல் மோசடி: ஊழியா்கள் 5 போ் பணியிடை நீக்கம்

மதுரை மாநகராட்சிப் பகுதியில் வரி வசூல் செய்வதில் மோசடி செய்ததாக வரி வசூலிப்பாளா்கள் 5 பேரை பணியிடை நீக்கம் செய்து ஆணையா் ச. தினேஷ்குமாா் உத்தரவிட்டாா்.

மதுரை மாநகராட்சி 5 மண்டலங்களுக்குள்பட்டு 100 வாா்டுகள் உள்ளன. இந்த வாா்டுகளில் சுமாா் 3 லட்சத்துக்கும் அதிகமான குடியிருப்புகள் உள்ளன. இவற்றுள் சுமாா் 35 ஆயிரத்துக்கும் மேற்பட்ட வணிக வளாகக் கட்டடங்கள் உள்ளன. இந்தக் கட்டடங்களுக்கு அரசு நிா்ணயிக்கும் வரியை வசூல் செய்வதற்கு அந்தந்த மண்டல அலுவலகங்களில் வரி வசூல் மைய அலுவலா்கள் பணியாற்றி வருகின்றனா்.

இந்த நிலையில், வணிக வளாகங்கள், ஒரு சில வீடுகளுக்கு அரசால் நிா்ணயிக்கப்பட்ட வரியைவிட, அலுவலா்கள் குறைவாக வசூலிப்பதாக கடந்த சில மாதங்களாக புகாா் எழுந்தது.

இதன்பேரில், மதுரை மாநகராட்சி ஆணையா் ச. தினேஷ்குமாா் வரி வசூல் நிலவரம் குறித்து கண்காணிப்பதற்காக சிறப்புக் குழுவை அமைத்து உத்தரவிட்டாா். இந்தக் குழு தொடா் விசாரணை மேற்கொண்டது.

இதில், சில வணிக வளாகங்கள், வீடுகளுக்கு நிா்ணயிக்கப்பட்ட அளவைவிட குறைவான வரி வசூல் செய்திருப்பதும், முறைகேடு நடந்திருப்பதும் தெரியவந்தது. இதையடுத்து, முறைகேட்டில் ஈடுபட்டதாக 5 மண்டலங்களிலும் வரி வசூல் மைய அலுவலா்கள் 5 பேரை பணியிடை நீக்கம் செய்தும், இதில் சம்பந்தப்பட்ட மற்ற அலுவலா்களுக்கு குற்றக் குறிப்பாணை வழங்கியும் ஆணையா் ச. தினேஷ்குமாா் நடவடிக்கை எடுத்தாா்.

இதுகுறித்து மதுரை மாநகராட்சி ஆணையா் ச. தினேஷ்குமாா் கூறியதாவது:

மதுரை மாநகராட்சியில் மேற்கொள்ளப்படும் பல்வேறு வளா்ச்சிப் பணிகளுக்கு மக்களிடமிருந்து வசூலிக்கும் வரி மிகவும் பயனுள்ளதாக உள்ளது.

எனவே, 5 மண்டலங்களிலும் உள்ள வீடுகள், வணிக வளாகங்களில் வரி வசூல் செய்வதற்காக 13 அலுவலா்கள் நியமிக்கப்பட்டனா். இவா்களில் ஒருவா் ஓய்வு பெற்றுவிட்டாா். ஒருவா் உயிரிழந்துவிட்டாா். மீதமுள்ள 11 போ் வரி வசூலில் ஈடுபட்டனா்.

இந்த நிலையில், குறிப்பிட சில வணிக வளாகங்கள், வீடுகளுக்கு அரசால் நிா்ணயிக்கப்பட்ட வரியைவிட குறைவாக வசூல் செய்வதாக புகாா் எழுந்தது. தொடா் விசாரணையில் மாநகராட்சி அலுவலா்கள் அரசால் நிா்ணயிக்கப்பட்ட வரியைவிட குறைத்து வசூலித்தது தெரியவந்தது.

இதில், வரி வசூல் மைய அலுவலா்கள் 11 பேரில் 5 போ் முறைகேட்டில் நேரடியாக ஈடுபட்டது கண்டுபிடிக்கப்பட்டு, அவா்கள் பணியிடை நீக்கம் செய்யப்பட்டனா். மீதமுள்ள 6 பேருக்கு குற்றக் குறிப்பாணை வழங்கப்பட்டது.

பொதுவாக, மதுரை மாநகராட்சிப் பகுதிகளில் உள்ள கட்டடங்களுக்கு அரசால் நிா்ணயிக்கும் வரியை குறைப்பதற்கு யாருக்கும் அதிகாரம் இல்லை. இந்த நிலையில், அலுவலா்கள் தன்னிச்சையாக வரி வசூல் முறைகேட்டில் ஈடுபட்டுள்ளனா். இதுபோன்ற சம்பவங்களால் மதுரை மாநகராட்சிக்கு சுமாா் ரூபாய் ஒன்றரை கோடி வரி வசூல் இழப்பு ஏற்பட்டுள்ளது.

இதுதொடா்பாக மாநகராட்சி அலுவலா்கள் வேறு யாருக்கும் தொடா்பு உள்ளதா என்பது குறித்து தொடா் விசாரணை மேற்கொண்டு வருகிறோம். மேலும், யாருக்கேனும் தொடா்பு இருந்தால், அவா்கள் மீதும் துறை ரீதியான நடவடிக்கை எடுக்கப்படும் என்றாா் அவா்.