கொடைக்கானல் கல்லூரியில் மேடை  நாடகங்கள் விழிப்புணர்வு கலை நிகழ்ச்சி

கொடைக்கானல் கிறித்துவக் கல்லூரியில் ஆங்கில புலமையை வெளிப்படுத்தும் மேடை நாடகங்கள் குறித்த விழிப்புணர்வு கலை நிகழ்ச்சிகள் புதன்கிழமை நடைபெற்றன.
    கல்லூரி அரங்கில் நடைபெற்ற இந் நிகழ்ச்சியை கல்லூரித் தாளாளர் சாம் ஆப்ரகாம் தொடக்கி வைத்தார். அழிந்து வரும் பழங்கால மேடை நாடகங்களை மீண்டும் புதுப்பிக்கும் விதமாக  கல்லூரி மாணவ, மாணவிகள் எலிப்பொறி என்ற தலைப்பில் விழிப்புணர்வு மேடை நாடகம் நடத்தினர். இந்த நிகழ்ச்சியில் பெரியகுளம் ஜெயராஜ் அன்னபாக்கியம் கல்லூரி  மாணவிகள் மற்றும் பல்வேறு தனியார் கல்லூரிகளைச் சேர்ந்த மாணவ, மாணவிகள் 500-க்கும் மேற்பட்டவர்கள் கலந்து கொண்டனர். இந் நிகழ்ச்சியானது தொடர்ந்து 3 நாள்கள் நடைபெறுகிறது. இதில் பல்வேறு கல்லூரிகளைச் சேர்ந்த மாணவ,மாணவிகள் பங்கேற்கின்றனர். இதற்கான ஏற்பாடுகளை கல்லூரி இணை இயக்குநர் ரெபிய ராஜகுமாரி உள்ளிட்ட பல்வேறுத் துறைகளின் போராசிரியர்கள், மாணவர்கள் செய்துள்ளனர்.