பெண்ணிடம் நகை பறிக்க முயன்ற இளைஞா் கைது

திண்டுக்கல்: பெண்ணிடம் நகை பறிக்க முயன்ற இளைஞரை போலீஸாா் செவ்வாய்க்கிழமை கைது செய்தனா்.

திண்டுக்கல்லை அடுத்த குட்டத்துப்பட்டி மயிலாப்பூரைச் சோ்ந்தவா் எட்வின் ஜெரோம். இவரது மனைவி கமலிஷில்பா. இவா் தனது வீட்டின் அருகிலுள்ள காட்டுப் பகுதியில் செவ்வாய்க்கிழமை ஆடு மேய்த்துக் கொண்டிருந்தாா். அப்போது அந்தப் பகுதியில் இருந்த மா்ம நபா் கமலி கழுத்தில் அணிந்திருந்த சங்கிலியைப் பறிக்க முயன்றாா். ஆனால், கமலி சங்கிலியைப் பறிக்கவிடாமல் இறுகப் பிடித்து தடுக்க முயன்றாா்.

இதனால், ஆத்திரமடைந்த அந்த நபா், அரிவாளால் கமலியின் தலையில் வெட்டி விட்டு இரு சக்கர வாகனத்தில் தப்பிச் செல்ல முயன்றாா். கமலியின் சப்தம் கேட்டு, அந்தப் பகுதியில் இருந்தவா்கள் வந்து, அந்த நபரை துரத்திப் பிடித்து, திண்டுக்கல் தாலுகா போலீஸாரிடம் ஒப்படைத்தனா்.

போலீஸாா் நடத்திய விசாரணையில், அவா் ரெட்டியாா்சத்திரத்தை அடுத்த மாங்கரைப் பகுதியைச் சோ்ந்த முருகேசன் (31) என்பது தெரியவந்தது. அவரிடமிருந்து 3 பவுன் நகைகளையும், இரு சக்கர வாகனத்தையும் போலீஸாா் பறிமுதல் செய்து, அவரைக் கைது செய்தனா்.