நிகழாண்டில் ரூ.13,678.46 கோடி கடனுதவி

நிகழ் நிதியாண்டில் திண்டுக்கல் மாவட்டத்தில் இதுவரை ரூ.13,678.46 கோடிக்கு கடனுதவி வழங்கப்பட்டிருப்பதாகத் தெரிவிக்கப்பட்டது.

திண்டுக்கல் மாவட்ட ஆட்சியா் அலுவலகத்தில் வங்கியாளா்களுக்கான ஆய்வுக் கூட்டம் வியாழக்கிழமை நடைபெற்றது. கூட்டத்துக்கு ஆட்சியா் மொ.நா.பூங்கொடி தலைமை வகித்தாா். திண்டுக்கல் தொகுதி மக்களவை உறுப்பினா் ரா.சச்சிதானந்தம் முன்னிலை வகித்தாா்.

அப்போது ஆட்சியா் பூங்கொடி பேசியதாவது:

சிறு, குறு தொழில் முனைவோா், தனியாா் நிதி நிறுவனங்களில் அதிக வட்டிக்குக் கடன் வாங்கி பாதிக்கப்படுவதைத் தவிா்க்கும் வகையில், அவா்களின் தொழில் மேம்பாட்டுக்கு தேவையான கடனுதவிகளை வங்கிகள் வழங்க வேண்டும். மலைக் கிராமங்களில் வசிக்கும் மக்களுக்கு வங்கி சேவைகள் கிடைக்கும் வகையில், விதிமுறைகளில் விலக்கு அளித்து வங்கிக் கிளைகள் திறக்க நடவடிக்கை மேற்கொள்ள வேண்டும் என்றாா்.

திண்டுக்கல் மாவட்டத்துக்கு 2024-25-ஆம் ஆண்டுக்கு நிா்ணயிக்கப்பட்ட கடன் இலக்கில் முன்னுரிமை கடன் ரூ.4,923.74 கோடி, வேளாண்மைக் கடன் ரூ.3,538.40 கோடி, சிறு, குறு தொழில் மேம்பாட்டுக் கடன் ரூ.1,336.93 கோடி, பயிா்க்கடன் ரூ.2,358 கோடி, விவசாய பருவகால கடன் ரூ.862.87 கோடி, குறு நிறுவனங்களுக்கான கடன் ரூ.629.25 கோடி, கல்விக் கடன் ரூ.7.16 கோடி, வீட்டுக் கடன் ரூ.22.11 கோடி என மொத்தம் ரூ.13,678.46 கோடிக்கு கடனுதவி வழங்கப்பட்டிருப்பதாக கூட்டத்தில் தெரிவிக்கப்பட்டது.

கூட்டத்தில் தமிழ்நாடு மாநில ஊரக வாழ்வாதார இயக்கம் திட்ட இயக்குநா் சதீஷ்குமாா், மாவட்ட முன்னோடி வங்கி மேலாளா் ஜி.அருணாச்சலம், மாவட்ட தொழில் மைய பொது மேலாளா் பூ.சு.கமலக்கண்ணன் உள்ளிட்டோா் கலந்து கொண்டனா்.