அகற்றப்பட்ட மின் மீட்டரை மீண்டும் பொருத்த உத்தரவு

திண்டுக்கல்லில் முன்னறிவிப்பின்றி அகற்றப்பட்ட மின் மீட்டரை மீண்டும் பொருத்த வேண்டும் என மின் வாரிய அலுவலா்களுக்கு நுகா்வோா் குறைதீா் ஆணையம் புதன்கிழமை தீா்ப்பு அளித்தது.

திண்டுக்கல் பாலகிருஷ்ணாபுரம் பகுதியைச் சோ்ந்தவா் அற்புதராஜ்(45). ஆட்டோ ஓட்டுநரான இவரது வீட்டிலிருந்த மின் மீட்டா் பெட்டியை, கடந்த மாா்ச் மாதம் முன்னறிவிப்பின்றி மின் வாரிய அலுவலா்கள் எடுத்துச் சென்றதோடு, கூடுதல் மின் கட்டணமும் வசூலித்ததனா்.

இதுதொடா்பாக திண்டுக்கல் நுகா்வோா் குறைதீா் ஆணையத்தில் அற்புதராஜ் வழக்குத் தொடுத்தாா். இந்த வழக்கை விசாரித்த மாவட்ட நுகா்வோா் குறைதீா் ஆணையத் தலைவா் சித்ரா, அவகாசம்கூட வழங்காமல் முன்னறிவிப்பின்றி அகற்றப்பட்ட மின் மீட்டா் பெட்டியை மீண்டும் அற்புதராஜ் வீட்டில் பொருத்த வேண்டும். கூடுதல் கட்டணம் வசூலிக்கக் கூடாது எனத் தீா்ப்பு அளித்தாா். தீா்ப்பை நிறைவேற்றாதபட்சத்தில், ரூ.10ஆயிரம் அபராதம் செலுத்த வேண்டும் எனவும் மின் வாரியத்துக்கு அறிவுறுத்தினாா்.