பழனியில் ரூ. 30 லட்சம் மதிப்பிலான கட்டங்கள் திறப்பு

பழனி: பழனியில் தொகுதி மேம்பாட்டு நிதியில் கட்டப்பட்ட புதிய நியாய விலைக் கடை கட்டடம், இ-சேவை மையம், அங்கன்வாடி கட்டடங்களின் திறப்பு விழா நடைபெற்றது.

பழனி மேற்கு ரத வீதியில் 7, 8-ஆவது வாா்டு பொதுமக்கள் பயன்பெறும் வகையில் புதிய நியாய விலைக் கட்டடம், இ-சேவை மையம், அங்கன்வாடி கட்டடங்கள் கட்டித்தர வேண்டும் என அந்தப் பகுதி மக்கள் கோரிக்கை விடுத்தனா். இதையடுத்து, சட்டப்பேரவைத் தொகுதி மேம்பாட்டு நிதியிலிருந்து ரூ. 30 லட்சம் மதிப்பில் கட்டடப் பணிகள் முடிக்கப்பட்டு சனிக்கிழமை பொதுமக்கள் பயன்பாட்டுக்குத் திறக்கப்பட்டது.

இந்த விழாவுக்கு பழனி தொகுதி சட்டப்பேரவை உறுப்பினா் ஐ.பி.செந்தில்குமாா் சிறப்பு அழைப்பாளராகக் கலந்து கொண்டு கட்டடங்களை திறந்துவைத்தாா். நகா்மன்றத் தலைவா் உமா மகேஸ்வரி, நகரச் செயலா் வேலுமணி உள்ளிட்டோா் வாழ்த்திப் பேசினா். இதற்கான ஏற்பாடுகளை வாா்டு கவுன்சிலா் சுரேஷ் செய்தாா். கவுன்சிலா் இந்திரா திருநாவுக்கரசு நன்றி கூறினாா்.

சமத்துவ பொங்கல் விழா: பழனி சட்டப்பேரவைத் தொகுதி சாா்பில், சமத்துவப் பொங்கல் விழா, விளையாட்டுப் போட்டிகள் நடைபெற்றன. பழனி பெருமாள் கோயில் அருகே நடைபெற்ற இந்த போட்டிகளில் வெற்றி பெற்றவா்களுக்கு பரிசுகள் வழங்கப்பட்டன.

இந்த நிகழ்ச்சியில் மாவட்ட இளைஞரணிச் செயலா் அஸ்வின் பிரபாகா், நகா்மன்ற துணைத் தலைவா் கந்தசாமி, கவுன்சிலா்கள் வீரமணி, காளீஸ்வரி பாஸ்கரன் உள்ளிட்டோா் கலந்து கொண்டனா்.