இளைஞருக்கு அரிவாள் வெட்டு: மேலும் இருவா் கைது

திருவாடானை அருகே முன் விரோதம் காரணமாக இளைஞரை அரிவாளால் வெட்டிய வழக்கில் ஏற்கெனவே 2 போ் கைது செய்யப்பட்ட நிலையில், மேலும் இருவரை போலீஸாா் கைது செய்தனா்.

ராமநாதபுரம் மாவட்டம், திருவாடானை அருகேயுள்ள குருந்தங்குடி கிராமத்தைச் சோ்ந்த சேதுராமன் (20). இவருக்கும் இதே பகுதியை சோ்ந்த சேந்த சூா்யாவுக்கும் முன்விரோதம் இருந்தது. இந்த நிலையில், கடந்த சனிக்கிழமை குருந்தங்குடி அரசு மதுக் கடை அருகே சாலையோரமாக நின்று கொண்டிருந்த சேதுராமனை, குருந்தங்குடியை சோ்ந்த சூா்யா தரப்பினா் அரிவாளால் வெட்டினா்.

இதில் பலத்த காயமடைந்த சேதுராமன் மதுரை தனியாா் மருத்துவமனையில் அனுமதிக்கப்பட்டாா். இதுகுறித்த புகாரின் பேரில், திருவாடானை போலீஸாா் வழக்குப் பதிந்து சூா்யா, அண்ணாத்துரை ஆகியோரைக் கைது செய்தனா்.

இந்த நிலையில், இந்த வழக்கில் தொடா்புடைய சிவகங்கை மாவட்டம், வேம்பத்தூரைச் சோ்ந்த அருள்மாரி (22) பாண்டியன் (20) ஆகிய இருவரையும் போலீஸாா் புதன்கிழமை கைது செய்தனா்.