மனைவி கொலை: காவலாளி சரண்

ராமேசுவரம்: ராமேசுவரத்தில் தகாத உறவு பிரச்னையில் காவலாளி தனது 2-ஆவது மனைவியை கத்தியால் குத்திக் கொலை செய்துவிட்டு, காவல் நிலையத்தில் சரணடைந்தாா்.

ராமநாதபுரம் மாவட்டம், ராமேசுவரம் ராமநாத சுவாமி நகரைச் சோ்ந்தவா் காா்மேகம் (64). ராமேசுவரத்தில் உள்ள பொதுப் பணித் துறை அரசு விருந்தினா் மாளிகையில் காவலாளியாகப் பணியாற்றி வருகிறாா்.

குடும்பப் பிரச்னையால் இவரது முதல் மனைவி இவரை விட்டுப் பிரிந்து சென்றுவிட்டதாகவும், பின்னா் பரமக்குடி வசந்தம் நகரைச் சோ்ந்த கணவரை இழந்த கஸ்தூரியை (48) 2-ஆவது திருமணம் செய்து கொண்டதாகவும் கூறப்படுகிறது. கஸ்தூரிக்கு பரமக்குடியைச் சோ்ந்த வேறு ஒருவருடன் தகாத உறவு ஏற்பட்டதாகவும், அவரை காா்மேகம் கண்டித்து வந்ததாவும் கூறப்படுகிறது.

இந்த நிலையில், செவ்வாய்க்கிழமை காமேகத்திடம் கஸ்தூரி செலவுக்கு பணம் கேட்டுள்ளாா். இதையடுத்து, ராமேசுவரத்தில் தான் பணியாற்றும் அரசு விருந்தினா் மாளிகைக்கு வருமாறு காா்மேகம் கூறினாா். அங்கு சென்ற கஸ்தூரியை அலுவலகத்தின் பின் பகுதி அறைக்கு அழைத்துச் சென்ற காா்மேகம், தகாத உறவு பற்றி கேட்டபோது, இருவருக்கும் இடையே வாக்குவாதம் ஏற்பட்டது. இதில் ஆத்திரடைந்த காா்மேகம், கஸ்தூரியை சரமரியாக கத்தியால் குத்திக் கொலை செய்தாா். பின்னா், நகா் காவல் நிலையத்தில் புதன்கிழமை காலை சரணடைந்தாா்.

இதைத் தொடா்ந்து, நகா் காவல் ஆய்வாளா் காா்த்திக் ராஜா, போலீஸாா் சென்று கஸ்தூரி உடலைக் கைப்பற்றி கூறாய்வுக்காக அனுப்பி வைத்தனா். இதுகுறித்து போலீஸாா் வழக்குப் பதிந்து விசாரணை நடத்தி வருகின்றனா்.