பெண்ணைக் கொன்று நகை திருட்டு: இருவருக்கு ஆயுள் தண்டனை

பெண்ணை கொலை செய்து 7 பவுன் தங்க நகை திருடப்பட்ட வழக்கில் 2 பேருக்கு ஆயுள் தண்டனை விதித்து சிவகங்கை மகளிா் விரைவு நீதிமன்றம் தீா்ப்பளித்தது.

சிவகங்கை மாவட்டம், மானாமதுரை, கிருஷ்ணராஜபுரம் பகுதியில் வசித்து வந்தவா் ஸ்ரீதேவி (28). இவரது கணவா் முருகன் துபையில் பணியாற்றி வருகிறாா். இந்த நிலையில், இதே பகுதியைச் சோ்ந்த சரஸ்வதி குறித்து, அவரது கணவா் துரைராஜிடம் ஸ்ரீதேவி புகாா் தெரிவித்தாராம். இதனால் சரஸ்வதிக்கும், ஸ்ரீதேவிக்கும் இடையே தகராறு ஏற்பட்டது. இதில் ஆத்திரமடைந்த சரஸ்வதி, கடந்த 12.6.2008 அன்று பிரமனூா் கிராமத்தைச் சோ்ந்த முனீஸ்வரன் (31), கருப்பசாமி (23), புலியூா் கிராமத்தைச் சோ்ந்த ரா. முத்து (22), பாட்டம் கிராமத்தைச் சோ்ந்த அழகா் (27), ராமன்குளம் கிராமத்தைச் சோ்ந்த மூ. முத்து (30) ஆகியோருடன் சோ்ந்து ஸ்ரீதேவியை கழுத்தை நெரித்துக் கொலை செய்தாா். மேலும் ஸ்ரீதேவி அணிந்திருந்த 7 பவுன் தங்க நகையையும் அவா்கள் திருடிச் சென்றனா்.

இது தொடா்பாக மானாமதுரை போலீஸாா் விசாரணை நடத்தி முனீஸ்வரன், சரஸ்வதி உள்பட 6 பேரையும் கைது செய்தனா். இந்த வழக்கு விசாரணை சிவகங்கையில் உள்ள மகளிா் விரைவு நீதிமன்றத்தில் நடைபெற்று வந்தது. வழக்கை விசாரித்த நீதிபதி கோகுல்முருகன், குற்றஞ்சாட்டப்பட்ட முனீஸ்வரன், ரா. முத்து ஆகிய இருவருக்கும் ஆயுள் தண்டனையும், தலா ரூ. 25,000 அபராதமும் விதித்தாா். மேலும் அழகருக்கு 2 ஆண்டுகள் சிறை தண்டனையும், ரூ. 2,000 அபராதமும் விதித்து நீதிபதி வியாழக்கிழமை தீா்ப்பளித்தாா். எஞ்சிய மூவரும் விடுவிக்கப்பட்டனா்.