மதுரை காமராஜர் பல்கலை. மண்டல அளவிலான பூப்பந்து போட்டி: உத்தமபாளையம் கல்லூரி அணி 2 ஆம் இடம்

தேனி மாவட்டம் உத்தமபாளையம் ஹாஜி கருத்த ராவுத்தர் ஹவுதியா கல்லூரி அணி, மதுரை காமராஜர் பல்கலைக் கழகம் மண்டல அளவில் நடைபெற்ற பூப்பந்து விளையாட்டு போட்டியில் 2 ஆம் இடம் பெற்றது.
 திண்டுக்கல் ஜி.டி.என். கலைக் கல்லூரியில் திங்கள்கிழமை நடைபெற்ற பூப்பந்து போட்டியில் தேனி , திண்டுக்கல், மதுரை ஆகிய மாவட்டங்களை சேர்ந்த கல்லூரி அணிகள் கலந்துகொண்டனர். இதில், தேனி மாவட்டம் உத்தமபாளையம் ஹாஜி கருத்த ராவுத்தர் ஹவுதியா கல்லூரி அணி சார்பில்,  2 ஆம் ஆண்டு கணினி அறிவியல் பிரிவு அப்துல் பாசித்,  2 ஆம் ஆண்டு வரலாற்றுத்துறையை சேர்ந்த ஷேக் இப்ராஹீம்,  2 ஆம் ஆண்டு பொருளாதாரத் துறை சேர்ந்த இஜாஜ் அகமது மற்றும் ஹாரிஸ் முகமது, முதலாம் ஆண்டு ஆங்கிலத் துறையைச் சேர்ந்த அன்வர் அப்சல், முகமது நௌபல் ராஜா, முகம்மது  இப்ராஹிம், முதலாம்  ஆண்டு  பி.பி.ஏ. மாணவர்  ஆஜித் அலிம், முதலாம் ஆண்டு வேதியியல் மாணவர் சேக்முகமது உள்ளிட்டவர்கள் கலந்துகொண்டனர்.
 இறுதியில் இப்போட்டியில்  உத்தமபாளையம் கல்லூரி  மாணவர்கள் 2 ஆம் இடத்தை பிடித்தனர்.இந்த விளையாட்டு வீரர்களுக்கு புதன்கிழமை கல்லூரி வளாகத்தில் பாராட்டு விழா நடைபெற்றது. இதில் கல்லூரி முதல்வர் முகமது மீரான், கல்லூரி தாளாளரும் செயலர் தர்வேஷ் முகைதீன், கல்லூரி கண்காணிப்பாளர் அப்தாகீர், கல்லூரி விளையாட்டு  இயகுநர் அக்பர் அலி உள்ளிட்ட பலரும் கலந்து வீரர்களை பாராட்டினர்.