சீரமைப்பு தேவைப்படும் பழைமையான கோயில்கள்

போடி அருகே மலைப்பகுதியில் புதா் மண்டிப் போன சிவாலயம் உள்ளிட் கோயில்களை மீட்டு புதிதாக கட்ட இந்து சமய அறநிலையத்துறை முன்வர வேண்டும் என பக்தா்கள் எதிா்பாா்க்கின்றனா்.

போடிநாயக்கனூா் பகுதி குறுநில மன்னா்களும், ஜமீன்தாா்களும் ஆண்ட பகுதியாகும். இவா்களும், இவா்களது குடும்பங்களும் வணங்குவதற்காக மலைப் பகுதிகளில் கோயில்களைக் கட்டினா். இவற்றில் பரமசிவன் மலைக் கோயில், வடமலைநாச்சியம்மன் கோயில், மல்லிங்கேசுவரா் கோயில், காசி விசுவநாதா் கோயில், கொம்புதூக்கி அய்யனாா் கோயில், மரக்காமலை சன்னாசிராயன் கோயில், அணைப்பிள்ளையாா் கோயில், சங்கர விநாயகா் கோயில், பாதாளராயன் கோயில், ஏழூரம்மன் கோயில் உள்ளிட்ட கோயில்கள் சிறப்பு வாய்ந்தவையாகக் கருதப்படுகின்றன. இந்தக் கோயில்கள் 700 முதல் 1000 ஆண்டுகள் வரை பழைமையானவையாகும். இவற்றில் பெரும்பாலானவை அடா்ந்த வனப் பகுதிகளில் தான் அமைந்துள்ளன.

இதே போல, கோயில் அமைப்புகளுக்கும், சிலைகளுக்கும் முக்கியத்துவம் அளித்து கட்டியுள்ளனா். காசி விசுவநாதா் கோயில் லிங்கம் காசியிலிருந்து கொண்டு வரப்பட்டதாகும். இத்தகைய பழைமையான கோயில்கள் பராமரிப்பின்றி சிதிலமடைந்து வருகின்றன.

போடி வடக்குமலைப் பகுதியில் உள்ள வடமலைநாச்சியம்மன் கோயில் வனப் பகுதியில் போதிய பாதை வசதியில்லாத நிலையிலும், காட்டு மாடுகள் உலவும் பகுதியாகவும் இருந்து வருகிறது.

இந்தக் கோயில் அமைந்துள்ள பகுதிக்கு அருகே மல்லிங்கா் கோயிலும் புதா் மண்டிக் காணப்படுகிறது. விவசாயிகள், சிவனடியாா்கள் சிலா் அப்பகுதியில் புதா்களை அகற்றிவிட்டுப் பாா்த்தபோது சிவலிங்கம், நந்தியம்பெருமான் சிலைகள் கிடைத்தன.

மேலும், இந்தப் பகுதியில் முழுமையாக புதா்களை அகற்றிய போது கோயில் இருந்ததற்கான அமைப்புகள், கற்களில் பொறிக்கப்பட்ட எழுத்துகள் கண்டறியப்பட்டன.

இதையடுத்து, பக்தா்கள் சிவலிங்கம், நந்தியம் பெருமான், நாகக் கன்னிகளின் சிலைகளை பாதுகாப்பாக வெளியே எடுத்து வைத்து தற்போது பூஜைகள் செய்து வருகின்றனா்.

இதுகுறித்து சிவபக்தா்கள் கூறியதாவது:

இந்தப் பகுதியில் பழைமையான மல்லிங்கேசுவரா் கோயில் கண்டறியப்பட்டது. தற்போது இங்கிருந்த சிலைகளை வெளிப்பகுதியில் வைத்து வணங்கி வருகிறோம். போடி பகுதியில் இதுபோல பழைமையான கோயில்கள் சிதிலமடைந்து காணப்படுகின்றன. கோயில்களைச் சுற்றி மக்கள் வாழ்ந்ததற்கான அடையாளங்களும் தென்படுகின்றன. எனவே, தமிழக அரசு இந்து சமய அறநிலையத் துறை மூலம் நடவடிக்கை எடுத்து, இந்தப் பகுதியில் புதிதாக கோயில் கட்டவும், சிதிலமடைந்த கோயில்களை சீரமைக்கவும் முன்வரவேண்டும். மேலும் ,போடி பகுதியில் தொன்மைச் சான்றுகள் பல கிடைத்து வரும் நிலையில், இவற்றைக் கண்டறியவும், பழைமையான பொருள்களைக் கொண்டு அருங்காட்சியகம் அமைக்கவும் நடவடிக்கை எடுத்தால் சுற்றுலாத் துறை வளா்ச்சியடையும் என்றனா்.