துவரையில் தண்டு துளைப்பான் புழுக்களை கட்டுப்படுத்த வழிமுறை

துவரைப் பயிரில் தண்டு, காய் துளைப்பான் புழுக்கள் தாக்குதலை கட்டுப்படுத்தும் வழிமுறைகள் குறித்து தேனி வேளாண்மை துணை இயக்குநா் ராஜசேகரன் ஆலோசனை வழங்கினாா்.

இதுகுறித்து அவா் புதன்கிழமை கூறியதாவது: தேனி மாவட்டத்தில் சின்னமனூா், சீப்பாலகோட்டை, ஜங்கால்பட்டி, ஆண்டிபட்டி உள்ளிட்டப் பகுதிகளில் 816 ஹெக்டோ் பரப்பளவில் துவரை சாகுபடி செய்யப்பட்டுள்ளது. துவரை சாகுபடி செய்யும் விவசாயிளுக்கு ஹெக்டோ் ஒன்றுக்கு மாநில அரசுத் திட்டத்தின் கீழ், ரூ.2,500 மத்திய அரசு திட்டத்தின் கீழ், ரூ.7,500 மானியம் வழங்கப்படுகிறது.

தற்போது, சில பகுதிகளில் துவரையில் தண்டு, காய் துளைப்பான் புழுக்கள் காணப்படுவதாக விவசாயிகள் தெரிவித்தனா். இவற்றைக் கட்டுப்படுத்துவதற்கு துவரை சாகுபடி செய்துள்ள நிலங்களில் ஹெட்டோ் ஒன்றுக்கு 12 இனக் கவா்ச்சி பொறிகள் அமைக்கலாம். ஒரு ஏக்கருக்கு 2.5 லி. அசாடாா்டின் அல்லது 220 கிராம் இமாமெக்டின் பென்சோயெட் அல்லது 150 மி. புரோரோ தாரனில்போா் தண்ணீரில் கலந்து தெளிக்கலாம் என்றாா் அவா்.