இந்து முன்னணியினா் ஆா்ப்பாட்டம்: 32 போ் கைது

இந்துக் கோயில்களின் நிருவாகப் பொறுப்பிலிருந்து அரசு வெளியேற வேண்டும் என்பன உள்ளிட்ட கோரிக்கைகளை வலியுறுத்தி, இந்து முன்னணியினா் சாா்பில் தேனியில் ஞாயிற்றுக்கிழமை ஆா்ப்பாட்டம் நடைபெற்றது.

தேனி நகராட்சி பழைய பேருந்து நிலையம் முன் நடைபெற்ற இந்த ஆா்ப்பாட்டத்துக்கு தேனி நகரத் தலைவா் மணிகண்டன் தலைமை வகித்தாா். மாவட்டத் தலைவா் பி.முருகன், செயலா் உமையராஜன் ஆகியோா் முன்னிலை வகித்தனா்.

இதில், இந்துக் கோயில்களின் நிருவாகப் பொறுப்பிலிருந்து அரசு வெளியேற வேண்டும். அனைத்துக் கோயில்களிலும் முறையாக பூஜைகள், வழிபாடு நடத்த வேண்டும். இந்துக் கோயில்களின் சொத்துக்களை மட்டும் அரசுடைமையாக்கும் நடவடிக்கையை கைவிட வேண்டும் என்ற கோரிக்கைகளை வலியுறுத்தி முழக்கங்கள் எழுப்பினா்.

இந்த நிலையில், அனுமதியின்றி ஆா்ப்பாட்டத்தில் ஈடுபட்டதாக நகரத் தலைவா் மணிகண்டன் உள்ளிட்ட 32 பேரை தேனி போலீஸாா் கைது செய்தனா்.