கஞ்சா விற்பனை: இருவா் கைது

போடி: போடி அருகே கஞ்சா வைத்திருந்த இருவரை போலீஸாா் செவ்வாய்க்கிழமை கைது செய்தனா்.

தேனி மாவட்டம், போடி அருகே அணைக்கரைப்பட்டி கொட்டகுடி ஆற்றங்கரையில் போடி தாலுகா போலீஸாா்

ரோந்துப் பணியில் ஈடுபட்டனா். அப்போது, போடி அணைக்கரைப்பட்டியைச் சோ்ந்த வெள்ளைச்சாமி மகன் சதீஸ்குமாா் (39), வீரபாண்டியைச் சோ்ந்த கருப்பையா மகன் ஜெகதீஸ்வரன் (20) ஆகியோா் விற்பனைக்காக கஞ்சாவை பதுக்கி வைத்திருந்தது தெரியவந்தது.

அவா்களிடம் போலீஸாா் நடத்திய விசாரணையில், தேனி முத்துத்தேவன்பட்டியை சோ்ந்த பாலமுருகன் மனைவி காயத்ரியிடம் விற்பனைக்காக கஞ்சா வாங்கியது தெரியவந்தது.

இதுகுறித்து 3 போ் மீதும் வழக்குப் பதிவு செய்த போடி தாலுகா காவல் நிலைய போலீஸாா், சதீஸ்குமாா், ஜெகதீஸ்வரன் ஆகிய இருவரையும் கைது செய்தனா். காயத்ரியை தேடி வருகின்றனா்.