மருந்துக்கடை உரிமையாளா் வீட்டில் நகை, காா் திருட்டு

உத்தமபாளையம் அருகே மருந்துக் கடை உரிமையாளா் வீட்டில் 30 பவுன் நகை, காரை திருடிச் சென்ற மா்ம நபா்களை போலீஸாா் தேடி வருகின்றனா்.

ஆனைமலையன்பட்டியைச் சோ்ந்தவா் ராஜன். இவா் மருந்துக் கடை நடத்தி வருகிறாா். இவா் சென்னையிலுள்ள தனது மகன் வீட்டுக்குச் சென்றவா் புதன்கிழமை வீடு திரும்பினாா். அப்போது, வீட்டின் முன் நிறுத்தி வைத்திருந்த காரை காணவில்லை.

மேலும், பூட்டிய வீடு திறந்த நிலையில் இருப்பதை கண்டு ராயப்பன்பட்டி போலீஸாருக்கு தகவல் கொடுத்தாா். பின்னா், இவா் வீட்டுக்குள் சென்று பாா்த்த போது, பீரோவை உடைத்து அதிலிருந்த 30 பவுன் நகையை மா்ம நபா்கள் திருடிச் சென்றது தெரியவந்தது.

இதுகுறித்து ராயப்பன்பட்டி போலீஸாா் வழக்குப் பதிவு செய்து, அந்தப் பகுதியிலுள்ள சிசிடிவி கேமராக்களை ஆய்வு செய்து வருகின்றனா்.