பெண்ணின் புகைப்படத்தை ஆபாசமாக சித்தரித்து பதிவேற்றியவா் கைது

தேனியில் பெண்ணின் புகைப்படத்தை ஆபாசமாக சித்தரித்து முகநூலில் பதிவேற்றம் செய்தவரை, வியாழக்கிழமை தேனி இணைய வழி குற்றத் தடுப்புப் பிரிவு போலீஸாா் கைது செய்தனா்.

தேனி அல்லிநகரத்தைச் சோ்ந்தவா் மிட்டாய் வியாபாரி ஹக்கீம்சேட் (52). இவா் பெரியகுளம் பகுதியைச் சோ்ந்த 32 வயது பெண்ணின் புகைப்படத்தை ஆபாசமாக சித்தரித்து முகநூலில் பதிவேற்றம் செய்தாா்.

மேலும், ஆபாசமாக சித்தரிக்கப்பட்ட புகைப்படத்தை குறிப்பிட்ட கைப்பேசி எண்ணிலிருந்து அந்தப் பெண்ணின் கைப்பேசி எண்ணுக்கு வாட்ஸ்-ஆப் மூலம் அனுப்பினாா்.

இதுகுறித்து அந்தப் பெண் தேனி இணைய வழி குற்றத் தடுப்புப் பிரிவு போலீஸில் புகாா் செய்தாா். இதனடிப்படையில் போலீஸாா் வழக்குப் பதிவு செய்து ஹக்கீம்சேட்டை கைது செய்தனா்.