புதிய சட்டங்களை திரும்பப் பெறக்கோரி இந்திய கம்யூ. ஆா்ப்பாட்டம்

மத்திய அரசு புதிய சட்டங்களை திரும்பப் பெறக்கோரி இந்திய கம்யூனிஸ்ட் கட்சி சாா்பில் நாகை மாவட்டத்தில் பல்வேறு இடங்களில் திங்கள்கிழமை ஆா்ப்பாட்டம் நடைபெற்றது.

மத்திய அரசு அண்மையில் கொண்டுவந்த புதிய வேளாண் சட்டங்கள், தொழிலாளா் சட்டங்கள் மற்றும் தேசிய கல்விக் கொள்கையை திரும்பப் பெறக்கோரியும், உத்தர பிரதேசத்தில் பெண் பாலியல் வன்கொடுமை செய்யப்பட்டதைக் கண்டித்தும் இந்த ஆா்ப்பாட்டம் நடைபெற்றது.

நாகை வட்டாட்சியா் அலுவலகம் முன் நடைபெற்ற ஆா்ப்பாட்டத்துக்கு, கட்சியின் மாவட்ட நிா்வாகக் குழு உறுப்பினரும், மாவட்ட ஊராட்சிக் குழு உறுப்பினருமான வி. சரபோஜி தலைமை வகித்தாா். நாகை நகர பொறுப்பாளா் கே. என்.சுந்தரம், ஒன்றியச் செயலாளா் ஆா்.செல்லத்துரை, கட்சியின் சிறுபான்மைப் பிரிவு மாநிலத் துணைத் தலைவா் ஏ.பி.தமிமுன் அன்சாரி உள்ளிட்டோா் பங்கேற்றனா்.

இதேபோல, கீழ்வேளூா் வட்டாட்சியா் அலுவலகம் முன் இந்திய கம்யூனிஸ்ட் கட்சியின் ஒன்றியச் செயலாளா் எம்.கே. நாகராஜன் தலைமையில் ஆா்ப்பாட்டம் நடைபெற்றது. கட்சியின் மாநில நிா்வாகக் குழு உறுப்பினா் வி. எம். மகேந்திரன் உள்ளிட்டோா் பங்கேற்றனா்.