மருத்துவா்கள், செவிலியா்களுக்குப் பாராட்டு

மயிலாடுதுறை கூரைநாடு அரசினா் ஆரம்ப சுகாதார நிலையத்தில் பணியாற்றும் மருத்துவா்கள், செவிலியா்கள் மற்றும் ஊழியா்களுக்கு மாயூரம் ரோட்டரி சங்கம் சாா்பில் வியாழக்கிழமை பாராட்டு விழா நடைபெற்றது.

இந்த ஆரம்ப சுகாதார நிலையத்தில் பணியாற்றும் மருத்துவா்கள், செவிலியா்கள், ஊழியா்கள் கரோனா காலத்தில் மக்களுக்கு சிறப்பாக பணியாற்றியமைக்காக பாராட்டு விழா நடைபெற்றது. மாயூரம் ரோட்டரி சங்கத் தலைவா் ஆா். சேகரன் தலைமை வகித்தாா். வழக்குரைஞா் எஸ். பாஸ்கரன், ரோட்டரி பள்ளித் தாளாளாா் எஸ். பொ்னாா்டு ஆகியோா் சிறப்பு அழைப்பாளராக பங்கேற்று பாராட்டு சான்றிதழ் மற்றும் நினைவுப் பரிசினை வழங்கினா். எஸ். உமாபதி நிகழ்ச்சியை ஒருங்கிணைத்தாா். முடிவில், வட்டார மருத்துவ அலுவலா் சரத்சந்தா், மருத்துவா் ரவிக்குமாா், மேற்பாா்வையாளா் செந்தில் ஆகியோா் ஏற்புரை வழங்கினா்.