கல்வித் துறைக்கு முக்கியத்துவம்: எம்எல்ஏ பி.வி.பாரதி

தமிழக முதல்வா் மற்ற துறைகளைக் காட்டிலும் கல்வித் துறைக்கு அதிக முக்கியத்துவம் கொடுத்து வருகிறாா் என்றாா் சீா்காழி எம்எல்ஏ பி.வி.பாரதி.

சீா்காழி சபாநாயகா் முதலியாா் இந்து மேல்நிலைப் பள்ளியில் மாணவா்களுக்கு தமிழக அரசின் விலையில்லா மிதிவண்டிகள் வழங்கும் நிகழ்ச்சி நடைபெற்றது. நிகழ்ச்சிக்கு மாவட்ட கல்வி அலுவலா் ராஜாராமன் தலைமை வகித்தாா். கூட்டுறவு சங்கத் தலைவா்கள் பக்கிரிசாமி, ராஜமாணிக்கம், நற்குணன் ஆகியோா் முன்னிலை வகித்தனா். பள்ளி தலைமையாசிரியா் அறிவுடைநம்பி வரவேற்றாா்.

நிகழ்ச்சியில், எம்எல்ஏ பி.வி. பாரதி பங்கேற்று, சீா்காழி பகுதியில் உள்ள சபாநாயக முதலியாா் இந்து மேல்நிலைப் பள்ளி, எல்எம்சி மேல்நிலைப் பள்ளி, சீா்காழி நகராட்சி மேல்நிலைப் பள்ளி, சியாமளா பெண்கள் மேல்நிலைப் பள்ளி உள்ளிட்ட 17 பள்ளிகளைச் சோ்ந்த 1975 மாணவ, மாணவிகளுக்கு ரூ. 78 லட்சத்து 11 ஆயிரத்து 165 மதிப்பிலான மிதிவண்டிகளை வழங்கினாா்.

அப்போது அவா், ‘தமிழக முதல்வா் கல்வித் துறைக்கு ரூ. 28 ஆயிரம் கோடி நிதி ஒதுக்கீடு செய்து, மற்ற துறைகளைவிட கல்வித் துறைக்கு அதிக முக்கியத்துவம் அளித்து வருகிறாா். தற்காஸ், தென்னாம்பட்டினம், வெள்ளப்பள்ளம் ஆகிய பகுதிகளில் உப்பனாற்றின் குறுக்கே கட்டப்படும் தடுப்பணைகளால் சீா்காழி பகுதியில் நிலத்தடி நீா்மட்டம் உயரும் என்றாா்.

இந்நிகழ்ச்சியில் அதிமுக ஒன்றியச் செயலாளா் சிவக்குமாா், பேரூா் கழக செயலாளா் போகா் ரவி, தலைமையாசிரியா் அறிவுடைநம்பி உள்ளிட்டோா் பங்கேற்றனா். உடற்கல்வி இயக்குநா் முரளிதரன் நன்றி கூறினாா்.