ஆசிரியர் பயிற்சி நிறுவனத்தில் வகுப்புகள் தொடக்கம்

காரைக்கால் மாவட்டம், அம்பகரத்தூர் பகுதி தாமனாங்குடியில் செயிண்ட் மேரீஸ் ஆசிரியர் பயிற்சி நிறுவனத்தில் முதலாமாண்டு வகுப்புகள் தொடக்க விழா புதன்கிழமை நடைபெற்றது. 
விழாவுக்கு ஆசிரியர் பயிற்சி நிறுவனத் தாளாளர் ஆர். முத்துக்குமரன் தலைமை வகித்தார். சாய்ராம் அபூர்வா ஆங்கிலப் பள்ளித் தலைமையாசிரியை ஏ. ராஹிலா உம்மாள், விரிவுரையாளர்கள் வி. காளிராஜன், ஆர். நவீன், கல்லூரி முதல்வர் எம். செந்தில்வேல் ஆகியோர் மாணவர்களின் கல்வி மேம்பாடு குறித்து பேசினர். 
விழாவில், ஆசிரிய மாணவர்கள் வருங்கால சமுதாய சூழ்நிலைகளை புரிந்தும், கல்விச் சூழலில் நவீன சாதனங்களை எவ்வாறு பயன்படுத்தலாம் என்ற அரிய தகவல்களை சேகரித்து அதற்கேற்ப செயல்படவேண்டும் என கல்லூரி முதல்வர் எம். செந்தில்வேல் கேட்டுக்கொண்டார்.