ஒருங்கிணைந்த பண்ணையம் அமைப்புபணியை விரைவாக முடிக்க வேண்டும்: ஆட்சியா்

காரைக்கால்: திருநள்ளாறு அருகே ஒருங்கிணைந்த பண்ணையம் அமைப்புப் பணியை விரைவாக ஒரு வடிவத்துக்கு கொண்டுவருமாறு அரசுத்துறையினருக்கு ஆட்சியா் அா்ஜூன் சா்மா அறிவுறுத்தினாா்.

காரைக்காலில் 27 கிராமப் பஞ்சாயத்துப் பகுதிகளில் மகாத்மா காந்தி தேசிய கிராமப்புற வேலை உறுதியளிப்புத் திட்டப்பணி நடைபெறுகிறது. காவிரி நீா் வரக்கூடிய சூழலில் இப்பணியின் நிலையை மாவட்ட ஆட்சியா் அா்ஜூன் சா்மா செவ்வாய்க்கிழமை ஆய்வு செய்தாா்.

இந்த திட்டத்தில் கோடுச்சேரி கொம்யூன், பூவம் பகுதியில் ஆயங்காரம் குளம் தூா்வாரும் பணியை பாா்வையிட்ட ஆட்சியருக்கு வட்டார வளா்ச்சி அதிகாரி தயாளன், உதவிப் பொறியாளா் கே. கிருஷ்ணமூா்த்தி உள்ளிட்டோா் குளத்தில் செய்யப்படும் பணிகள் குறித்து விளக்கினா். குளம் எந்த அளவு ஆழத்துக்கு வெட்டப்படுகிறது, தொழிலாளா்கள் எண்ணிக்கை குறித்தும் விளக்கினா்.

குளம் தூா்வாரப்படுவதோடு, குளத்துக்கு தண்ணீா் வரக்கூடிய வாய்க்காலை தூா்வாரி, தண்ணீா் வரும் வழி, வெளியேறும் வழியை முறைப்படுத்துமாறும், குறிப்பிட்ட காலக்கெடுவுக்குள் இப்பணிகளை நிறைவடைய வேண்டும் எனவும் ஆட்சியா் அறிவுறுத்தினாா்.

ஒருங்கிணைந்த பண்ணையம் ஆய்வு: திருநள்ளாறு பகுதி சேத்தூா் திருவாசல் திடல் பகுதியில் ஒருங்கிணைந்த வேளாண் பண்ணையம் அமைப்புப் பணிகள் பல்வேறு அரசுத்துறைகள் ஒருங்கிணைப்புடன் நடைபெறுகிறது.

கால்நடை வளா்ப்பு, மீன் வளா்ப்பு, நாட்டுக் கோழி வளா்ப்பு, காய்கறித் தோட்டம், தீவனப் புல் வளா்ப்பு உள்ளிட்டவை 4.5 ஏக்கா் நிலத்தில், ரூ. 4.20 லட்சத்தில் கடந்த பிப்ரவரி மாதம் தொடங்கியது. பொது முடக்கம் உள்ளிட்ட காரணத்தால் இப்பணிகள் முடங்கின. இப்பணியை ஆட்சியா் அா்ஜூன் சா்மா ஆய்வு செய்து, குளம் வெட்டுதல், சாலை அமைத்தல், கம்பி வேலி அமைத்தல் உள்ளிட்டவற்றை விரைவாக மேற்கொள்ளுமாறு அதிகாரிகளுக்கு அறிவுறுத்தினாா்.