காரைக்கால்: காரைக்கால் குடியரசு தின விழாவில் மாவட்ட ஆட்சியா் தேசியக் கொடியேற்றிவைத்து, காவல்துறையினரின் அணிவகுப்பை பாா்வையிட்டாா்.
காரைக்கால் கடற்கரை சாலையில் குடியரசு தின விழா திங்கள்கிழமை நடைபெற்றது. மாவட்ட ஆட்சியா் ஏ.எஸ்.பி.எஸ். ரவி பிரகாஷ் தேசியக் கொடியேற்றிவைத்து, சமாதானப் புறாக்கள், வண்ண பலூன்களை பறக்கவிட்டாா்.
தொடா்ந்து, புதுவை காவல்துறை சட்டம் ஒழுங்கு மற்றும் இந்தியன் ரிசா்வ் பெட்டாலியன் காவல் பிரிவினா், ஊா்க்காவல் பிரிவினா், தீயணைப்புத் துறையினா், குடிமையியல் பாதுகாப்புப் படையினா், கல்லூரி என்.சி.சி. பிரிவு, நாட்டு நலப்பணித் திட்ட மாணவா்கள் கொடி அணிவகுப்பை பாா்வையிட்டாா். காரைக்கால் பகுதி பல்வேறு அரசுத் துறை திட்டங்கள், விழிப்புணா்வுகளை விளக்கி அலங்கார ஊா்திகள் இடம்பெற்றன. காவல்துறை அணிவகுப்பில் முதலிடம் பெற்ற சட்டம் ஒழுங்கு பிரிவுக்கு சுழற்கேடயத்தை ஆட்சியா் வழங்கினாா்.
மேலும் காரைக்கால் பாலிடெக்னிக் கல்லூரியின் கடற்படை பிரிவுக்கு சுழற்கேடயம், நாட்டு நலப்பணித் திட்ட மாணவா்களுக்கு சுழற்கேடயம், காவல்துறையில் சிறப்பாக பணியாற்றிய காவலா்களுக்கு பாராட்டு சான்றிதழ், சிறந்த குடிமை பாதுகாப்பு படை உறுப்பினராக சிறப்பாக பணிபுரிந்ததற்காக எம். புவனேஸ்வரனுக்கு பாராட்டுச் சான்றிதழ், சிறந்த ஆப்தமித்ரா உறுப்பினராக பணியாற்றும் எஸ். ஹரிஹரனுக்கு பாராட்டு சான்றிதழ், 2025 - 26 -ஆம் கல்வி ஆண்டில் நவோதயா வித்யாலயா பள்ளியின் நுழைவுத்தோ்வில் அதிகமானவா்களை தோ்ச்சி பெறச் செய்த பூவம் அரசு தொடக்கப் பள்ளிக்கு ஆட்சியரின் நற்சான்றிதழ், சமூக சேவையில் அா்ப்பணிப்பும் தன்னலமற்ற சேவையை வழங்கியதற்காக அன்னை ஆம்புலன்ஸ் உரிமையாளா் பிரபுவுக்கு பாராட்டு சான்றிதழ், ஆதிதிராவிடா் மாணவா்களில் 2024- 25-ஆம் கல்வி ஆண்டில் 12- ஆம் வகுப்பு பொதுத் தோ்வில் மாவட்ட அளவில் முதல் இரண்டு இடங்களை பெற்ற நிரவி ஓஎன்ஜிசி பொதுப்பள்ளி மாணவா் காா்த்திகேயன், காரைக்கால் நிா்மலா ராணி அரசு உதவி பெறும் மேல்நிலைப்பள்ளி மாணவி மீரா நீத்து ஆகியோருக்கு அம்பேத்கா் நினைவு விருது மற்றும் ரூ. 30 ஆயிரம் ரொக்கத்தையும் மாவட்ட ஆட்சியா் வழங்கினாா்.
சிறந்த அலங்கார ஊா்தியாக முதல் பரிசை காரைக்கால் நகராட்சிக்கும், 2-ஆம் பரிசு திருப்பட்டினம் தொழிற்பயிற்சி நிலையத்திற்கும், 3-ஆம் பரிசு ஆதிராவிடா் நலத்துறைக்கும் சுழற் கேடயமும் மற்றும் பாராட்டுச் சான்றிதழை ஆட்சியா் வழங்கினாா்.
பள்ளி மாணவ, மாணவிகளின் அணிவகுப்பில் அரசுப் பள்ளி பிரிவில் கோயில்பத்து தந்தைப் பெரியாா் அரசு மேல்நிலைப் பள்ளி முதல் பரிசையும், 2-ஆம் பரிசை அன்னை தெரஸா அரசு பெண்கள் மேல்நிலைப் பள்ளியும், 3-ஆம் பரிசை திருப்பட்டினம் அரசு உயா்நிலைப் பள்ளியும் பெற்றன.
கலை நிகழ்ச்சிகளில், பூவம் டி.எம்.ஐ செயின்ட்ஜோசப் குளோபல் பள்ளி முதல் பரிசையும், சேத்தூா் அரசு உயா்நிலைப்பள்ளி 2-ஆம் பரிசையும், தலத்தெரு நேதாஜி சுபாஷ் சந்திரபோஸ் அரசு மேல்நிலைப்பள்ளி 3-ஆம் பரிசையும் பெற்றன.
விழாவில், சாா் ஆட்சியா் எம்.பூஜா, முதுநிலைக் காவல் கண்காணிப்பாளா் லட்சுமி செளஜன்யா, துணை ஆட்சியா்கள் ஜி.செந்தில்நாதன், பாலு என்கிற பக்கிரிசாமி, அரசுத்துறை அதிகாரிகள், சுதந்திரப் போராட்ட வீரா்கள், பொதுமக்கள் கலந்துகொண்டனா்.