நேதாஜி பிறந்தநாள் விழா

சீர்காழியில் நேதாஜி சுபாஷ் சந்திரபோஸின் 122-ஆவது பிறந்த நாள் விழா புதன்கிழமை கொண்டாடப்பட்டது.
நகரின் புதிய பேருந்து நிலையம் எதிரே உள்ள நேதாஜி சிலைக்கு, மூவேந்தர் முன்னேற்றக் கழகம் சார்பில் மாலை  அணிவித்து மரியாதை  செலுத்தப்பட்டது. நிகழ்ச்சிக்கு, நகரத் தலைவர் ஜி.வி. குமார் தலைமை வகித்தார். பொறுப்பாளர்கள் செல்வம், பாபு, காளிமுத்து, சீனிவாசன், சரவணன், பாலு உள்ளிட்டோர் பங்கேற்றனர்.
இதேபோல், இந்து மக்கள் கட்சி சார்பில் அதன் மாநிலச் செயலாளர் ஜெ. சுவாமிநாதன் தலைமையில், நேதாஜி சிலைக்கு அக்கட்சியினர் மாலை அணிவித்து மரியாதை செலுத்தினர். இதில் மாவட்டத் தலைவர் சோலை. கோவிந்தராஜன், மாவட்ட அமைப்பாளர் க. பாலாஜி, மாவட்டத் துணைத் தலைவர் சதீஷ்குமார் உள்ளிட்டோர் பங்கேற்றனர்.