இருசக்கர வாகனத்திலிருந்து தவறி விழுந்த குழந்தை சாவு

திருவாரூர் மாவட்டம், மன்னார்குடி அருகே இருசக்கர வாகனத்திலிருந்து தவறி விழுந்த 3 வயது ஆண் குழந்தை, மருத்துவமனையில் புதன்கிழமை உயிரிழந்தது.
மன்னார்குடி மதுக்கூர் பிரதான சாலையைச் சேர்ந்தவர் அய்யாவு. இவர் தனது மனைவி முத்தழகி, மகன் விஜய் (3) ஆகியோரை அழைத்துக்கொண்டு, கடந்த 12-ஆம் தேதி இருசக்கர வாகனத்தில் மன்னார்குடி- தஞ்சை பிரதான சாலையில் செருமங்கலம் அருகே சென்று கொண்டிருந்தார்.
இந்நிலையில், வேகத் தடையை கடந்தபோது, இருசக்கர வாகனம் நிலைதடுமாறியதில், முத்தழகியின் மடியில் அமர்ந்திருந்த விஜய், கீழே விழுந்ததில் பலத்த காயம் ஏற்பட்டது. இதைத்தொடர்ந்து, தஞ்சை  மருத்துவக் கல்லூரி மருத்துவமனையில் அனுமக்கப்பட்டிருந்த நிலையில், புதன்கிழமை இரவு விஜய் உயிரிழந்தான்.
இதுகுறித்து வடுவூர் போலீஸார் வழக்குப் பதிந்து விசாரணை மேற்கொண்டுள்ளனர்.