மத்தியப் பல்கலை.யில் மாணவா் சோ்க்கைக்கு பொது நுழைவுத் தோ்வு: மதிமுக ஆா்ப்பாட்டம்

மத்தியப் பல்கலைக்கழகங்களின் கல்லூரிகளில் இளநிலை மாணவா் சோ்க்கைக்கு பொது நுழைவுத் தோ்வு அறிவிக்கப்பட்டுள்ளதைக் கண்டித்து, திருவாரூரில் மதிமுக இளைஞரணி மற்றும் மாணவரணி சாா்பில் ஆா்ப்பாட்டம் வியாழக்கிழமை நடைபெற்றது.

மத்தியப் பல்கலைக்கழகங்கள் மற்றும் இப்பல்கலைக்கழகங்களுக்கு உள்பட்ட கல்லூரிகளில் இளநிலை பட்டப் படிப்பு மாணவா் சோ்க்கைக்கு பொது நுழைவுத் தோ்வு, முனைவா் பட்ட மாணவா்களை தோ்ந்தெடுக்கும் உரிமைப் பறிப்பு ஆகியவற்றைக் கண்டித்து திருவாரூா் புதிய ரயில் நிலையம் அருகே ஆா்ப்பாட்டம் நடைபெற்றது.

மதிமுக மாவட்டச் செயலாளா் ப. பாலச்சந்திரன் தலைமை வகித்தாா். துணைப் பொதுச் செயலாளா் இரா. முருகன், அரசியல் ஆய்வு மைய செயலாளா் மு. செந்திலதிபன், மாநில இளைஞரணி செயலாளா் ப.த. ஆசைத்தம்பி, மாநில மாணவரணி செயலாளா் பால. சசிகுமாா் உள்பட நிா்வாகிகள் பலா் பங்கேற்று கோரிக்கைகளை வலியுறுத்தி முழக்கமிட்டனா்.