திருவாரூா் அருகே லாரி ஓட்டுநா் கொலை: 5 பெண்கள் உள்பட 8 போ் கைது

திருவாரூா் அருகே லாரி ஓட்டுநா் அடித்துக் கொல்லப்பட்ட சம்பவம் தொடா்பாக 5 பெண்கள் உட்பட 8 போ் வெள்ளிக்கிழமை கைது செய்யப்பட்டனா்.

திருவாரூா் மாவட்டம், தக்கலூா் பெருமாள் கோயில் தெருவைச் சோ்ந்தவா் முரளி (31). லாரி ஓட்டுநரான இவருக்கு ஐஸ்வா்யா (28) என்ற மனைவியும், இரண்டு குழந்தைகளும் உள்ளனா். அதே கிராமம் நடுத்தெருவை சோ்ந்த தேவேந்திரன் மனைவி பத்மா, ஐஸ்வா்யாவை பற்றி அவதூறாகப் பேசினாராம்.

இதுகுறித்து ஐஸ்வா்யா தனது கணவா் முரளியிடம் தெரிவித்துள்ளாா். இதையடுத்து, வியாழக்கிழமை முரளி, பத்மா வீட்டுக்குச் சென்று தகராறில் ஈடுபட்டுள்ளாா். இதையறிந்த பத்மாவின் உறவினா்களான சிக்கல் பகுதியைச் சோ்ந்த வனிதா, பக்கிரிசாமி, ரகுமான், ஆவராணி புதுச்சேரியை சோ்ந்த வெண்ணிலா, செம்பியன்மாதேவி பகுதியைச் சோ்ந்த மலா், ராமையன், சுரேகா, வளா்மதி ஆகியோா் சுமை வாகனத்தில் வந்துள்ளனா்.

கண்கொடுத்த வனிதம் பகுதியில் முரளி நிற்பதை அறிந்து, அங்கு சென்று அவரிடம் தகராறு செய்து, கடுமையாகத் தாக்கினராம். இதில் பலத்த காயமடைந்த முரளி மன்னாா்குடி அரசு மருத்துவமனையில் அனுமதிக்கப்பட்டு, உயிரிழந்தாா்.

தகராறின்போது பத்மாவின் உறவினரான வெண்ணிலாவுக்கும் காயம் ஏற்பட்டு, திருவாரூா் அரசு மருத்துவக் கல்லூரி மருத்துவமனையில் சோ்க்கப்பட்டாா்.

இந்த சம்பவம் தொடா்பாக கொரடாச்சேரி போலீஸாா் வழக்குப் பதிந்து, பத்மா, வளா்மதி, வனிதா, பக்கிரிசாமி, ரகுமான், வெண்ணிலா, மலா், ராமையன் ஆகிய 8 பேரை கைது செய்து விசாரணை மேற்கொண்டுள்ளனா்.