நவ.30-இல் மத்திய பல்கலை. பட்டமளிப்பு விழா: குடியரசுத் தலைவா் பங்கேற்பு

தமிழ்நாடு மத்திய பல்கலைக்கழக பட்டமளிப்பு விழாவில் நவம்பா் 30-ஆம் தேதி குடியரசுத் தலைவா் பங்கேற்க உள்ளாா்.

நன்னிலம் அருகே உள்ள நீலக்குடிக் கிராமத்தில் அமைந்துள்ள இப்பல்கலைக்கழகத்தில், பல்வேறு மாநிலங்களிலிருந்தும் 3000-க்கும் மேற்பட்ட மாணவ- மாணவிகள் படித்து வருகின்றனா். கடந்த கல்வியாண்டில் படிப்பை முடித்த 500-க்கும் மேற்பட்ட மாணவா்களுக்கு பட்டமளிப்பு விழா நவம்பா் 30- ஆம் தேதி நடைபெற உள்ளது.

இவ்விழாவில், குடியரசுத் தலைவா் திரெளபதி முா்மு பங்கேற்று, மாணவா்களுக்கு பட்டங்களை வழங்க உள்ளதாக, பல்கலைக்கழக வட்டாரம் தரப்பில் தெரிவிக்கப்பட்டுள்ளது.