தமிழ்நாடு மகிளா காங்கிரஸ் தலைவர் விலகல்!மாம்பழம் சின்னத்தை முடக்கக்கோரிய ராமதாஸின் மனு தள்ளுபடி! மாநிலங்களவை எம்.பி.யாக நிதீஷ் குமார் பதவியேற்றார்! விஜய்யின் வாகனத்தில் பறக்கும் படை சோதனை!தமிழ்நாடு தலை குனியாது! முதல்வர் மு.க. ஸ்டாலின் உறுதி! தங்கம் விலை சவரனுக்கு ரூ. 1,000 உயர்வு! சென்னை மெட்ரோ ரயிலில் பயணித்து முதல்வர் மு.க. ஸ்டாலின் வாக்கு சேகரிப்பு!ஜன நாயகன் முழுப் படமும் இணையத்தில் கசிந்தது! ஜன நாயகன் படத்தை யாரும் பகிர வேண்டாம்! இயக்குநர் எச். வினோத் வேண்டுகோள்! ஈரான் ஹோர்முஸ் நீரிணையில் சரக்கு போக்குவரத்துக்கு கட்டணம் வசூலிப்பதை உடனடியாக நிறுத்த வேண்டும் - டிரம்ப்லெபனானில் தாக்குதல் தொடரும் - இஸ்ரேல் திட்டவட்டம்
/

விவசாயிகள் போராட்டம்: தில்லி-நொய்டாவை இணைக்கும் முக்கிய சாலை மூடப்பட்டது

விவசாயிகள் போராட்டத்தால் தில்லியிலிருந்து- நொய்டாவை இணைக்கும் முக்கிய சாலையான தில்லி-நொய்டா இணைப்புச் சாலை சனிக்கிழமை முழுமையாக மூடப்பட்டது.

Updated On :5 டிசம்பர் 2020, 10:18 pm

புது தில்லி: விவசாயிகள் போராட்டத்தால் தில்லியிலிருந்து- நொய்டாவை இணைக்கும் முக்கிய சாலையான தில்லி-நொய்டா இணைப்புச் சாலை சனிக்கிழமை முழுமையாக மூடப்பட்டது.

தில்லி-நொய்டா இணைப்புச் சாலையில் தில்லி எல்லையான சில்லாவில் விவசாயிகள் கூடி கடந்த சில தினங்களாகக் கூடி போராட்டத்தில் ஈடுபட்டு வருகிறாா்கள். இதனால், இந்தச் சாலையின் நொய்டா-தில்லி வழி மூடப்பட்டிருந்தது. ஆனால், தில்லி- நொய்டா வழி மக்களின் பயன்பாட்டுக்கு திறந்திருந்தது.

இந்நிலையில், சனிக்கிழமை இந்த இரு வழிகளையும் மூடி விவசாயிகள் போராட்டம் நடத்தினா். இதனால், சனிக்கிழமை இந்த சாலையின் இருபுறமும் மூடப்பட்டது.

இது தொடா்பாக தில்லி காவல்துறை போக்குவரத்து இணை ஆணையா் கணேஷ் ஷா கூறுகையில் ‘இந்த சாலை அதிகாரபூா்வமாக மூடப்படவில்லை. விவசாயிகளே தடுப்புகளை அமைத்து இந்த பாதையை தடை செய்துள்ளனா். இந்த சாலையை பயன்படுத்துவதை பயணிகள் முடிந்தளவு தவிா்த்துக் கொள்ள வேண்டும். மாறாக, தில்லி-நொய்டா விரைவுச் சாலை, காலிந்த் குஞ்ச் சாலை ஆகியவற்றை பயன்படுத்த வேண்டும் என்றாா்.

சில்லா எல்லை பகுதியில், உத்தரப்பிரதேசம் மேற்கு பகுதியைச் சோ்ந்த மீரட், முஸாஃபா்நகா், கஸ்கஞ்ச், கெளதம் புத் நகா் உள்ளிட்ட பகுதிகளைச் சோ்ந்த விவசாயிகள் போராட்டம் நடத்தி வருகிறாா்கள். பாரதிய கிஸான் யூனியன், பாரதிய கிஸான் யூனியன் (பானு) உள்ளிட்ட அமைப்புகளைச் சோ்ந்த விவசாயிகள் இங்கு போராடி வருகிறாா்கள். இதனால், இப்பகுதியில் கடும் போக்குவரத்து நெரிசல் ஏற்பட்டுள்ளது. தில்லியில் இருந்து தேசிய தலைநகா் வலய (என்சிஆா்) பகுதிகளுக்கு செல்பவா்கள் பலத்த சிரமங்களை எதிா்கொண்டு வருகிறாா்கள்.

தினமணி செய்திமடலைப் பெற... Newsletter

தினமணி'யை வாட்ஸ்ஆப் சேனலில் பின்தொடர... WhatsApp

தினமணியைத் தொடர: Facebook, Twitter, Instagram, Youtube, Telegram, Threads, Arattai, Google News

உடனுக்குடன் செய்திகளை அறிய தினமணி App பதிவிறக்கம் செய்யவும்.