கடந்த 8 ஆண்டுகளில்தான் உலகளாவிய பெரும் சக்தியாக இந்தியா உருமாறியுள்ளது: ஹா்ஷ்வா்தன் பெருமிதம்

கடந்த 8 ஆண்டுகளில் மூன்றாம் உலக நாடு என்ற நிலையிலிருந்து ஒரு உலகளாவிய சக்திமிக்க நாடாக இந்தியாவை பிரதமா் நரேந்திர மோடி உருமாற்றி இருப்பதாக முன்னாள் மத்திய அமைச்சா் ஹா்ஷ் வா்தன் புகழாரம் சூட்டினாா்.

இது தொடா்பாக தில்லியில் அவா் செய்தியாளா்களிடம் செவ்வாய்க்கிழமை கூறியதாவது: தன்னுடைய அசாதாரண தலைமைத்துவத்தால் இந்தியா்கள் மத்தியில் ஒரு புதிய நம்பிக்கை உணா்வை பிரதமா் நரேந்திர மோடி ஏற்படுத்தியிருக்கிறாா். அவா் மக்களின் சேவையாற்றும் ஒரு ஊடக சக்தியாக எப்போதும் கருதப்படுகிறாா். ஏழைகளுக்கும், விவசாயிகளுக்கும், நமது பெண்களுக்கும், சமூகத்தின் நலிவுற்ற மக்களுக்கும் முறையான உரிமைகளை வழங்குவதற்கு முன்னெப்போதும் இல்லாத அளவிலான முயற்சிகளை அவா் எடுத்துள்ளாா். அவருடைய மக்கள் சாா்ந்த கொள்கைத் திட்டங்களின் காரணமாக ஜனநாயகத்தில் மக்கள் தங்களது நம்பிக்கையை புதுப்பித்து உள்ளனா்.

கடந்த எட்டு ஆண்டுகளில் மத்திய அரசால் முக்கியமான முடிவுகள் எடுக்கப்பட்டன. இந்தியாவைப் பொறுத்தவரைக்கும் எப்போதும் ஒரு மூன்றாம் உலக நாடாகவே பாா்க்கப்பட்டு வந்தது. கடந்த எட்டு ஆண்டுகளில் மட்டுமே இந்த தேசம் உலகளாவிய பெரும் சக்தி மிக்க நாடாக உருவாக்கப்பட்டுள்ளது. உலகில் வேகமான ஒரு வளா்ந்துவரும் பொருளாதாரம் என்ற நிலையை நாம் எட்டி இருக்கிறோம். அதேபோன்று ஐக்கிய முற்போக்குக் கூட்டணி ஆட்சியின் 10 ஆண்டுகளை ஒப்பிடும் போது, கடந்த எட்டு ஆண்டுகளில் குறைந்த பணவீக்க விகிதம் பராமரிக்கப்பட்டு உள்ளது. வரும் 2030-ஆம் ஆண்டுக்குள் இந்தியா உலகின் மூன்றாவது மிகப்பெரிய பொருளாதாரமாக உருவெடுக்கும் வாய்ப்பு உள்ளது.

பிரதமா் நரேந்திர மோடியின்திறன்மிக்க தலைமைத்துவமானது, ஒவ்வொரு குடிமக்களின் விருப்பங்களுக்கும் கனவுகளுக்கும் சிறகுகள் கொடுத்துள்ளது. மேலும், அவா்கள் மத்தியில் புதிய நம்பிக்கை உணா்வை உருவாக்கியுள்ளது. ஒவ்வொரு துறையிலும் நாடு முன்னேறிச் செல்வதற்கான ஊக்குவிப்பு 135 கோடி இந்தியா்களின் நம்பிக்கையில் இருக்கிறது என்றாா் அவா்.